گووگڵ 17, ئاب 2021

بە فەرمی مۆبایلی Google Pixel 5a 5G بە بڕوانامەی IP67 و زیاترەوە نمایش کرا

 

گووگڵ لە کۆتاییدا ئەمڕۆ مۆبایلی ئاست ناوەندی Google Pixel 5a 5G نمایش کرد، کە جۆرێکی باشتر کراوی مۆبایلی Google Pixel 4a 5G ـیە کە ساڵی ڕابردوو نمایش کرا

 

لاشەی مۆبایلەکە جۆرە مادەیەکی نوێیە ئەلەمنیۆمییە و ڕەنگێکی نوێی بە ناوی ‘Mostly Black’ لێ بەردەست دەبێت کە ڕەنگی سەوزی توخ و بەرەو ڕەشە، هەروەها بڕوانامەی IP67 بۆ دژە ئاو و خۆڵ و تۆز لە خۆ دەگرێت

ڕوونمایەکی قەبارە 6.34 ئینجی لە جۆری OLED بە ڕوونی +FHD لەسەر جێگیر کراوە بەڵام بەداخەوە بە تێکڕای نوێ بوونەوەی تەنها 60 هێرتز

 

چیپسێتی سناپدراگۆن 765G لەسەر جێگیر کراوە و بە بیرگەی 128 گێگابایت و ڕامی 6 گێگابایت لە جۆری LPDDR4x بەردەست دەبێت

 

هاوشێوەی نەوەی پێش خۆی کامێرای سەرەکی دواوەی ڕوونی 12 مێگاپێکسڵە و کامێرای گۆشە فراوان بە ڕوونی 16 مێگاپێکسڵ لە خۆ دەگرێت، هەروەها کامێرای سێڵفی ڕوونی 8 مێگاپێکسڵە

جۆری نوێ لەگەڵ نەوەی پێش خۆی گۆڕانکارییە گەورەکەی لە پاترییە، جۆری پێش خۆی پاترییەکی قەبارە 3885 مللی ئەمپێر/کاتژمێری لە خۆ دەگرت بەڵام جۆری نوێ پاترییەکی قەبارە 4680 مللی ئەمپێر/کاتژمێری لە خۆ دەگرێت، هەروەها پشتگیری لە بارگاوی کەرەوەی بێتەل ناکات و پشتگیری لە بارگاوی کەرەوە بە هێزی 18 وات دەکات لە ڕێگەی وایەرەوە

 

جگە لەم گۆڕانکارییانەی کە باس کران، مۆبایلی Google Pixel 5a 5G تایبەتمەندییەکانی هاوشێوەی نەوەی پێش خۆی واتە Google Pixel 4a 5G ـیە و بە نرخی 449 دۆلار بەردەست دەبێت

سەرچاوە GSM Arena
تاگەکان google گووگڵ
بۆچونی تۆ