بەمزووانە هواوەی مۆبایلی چەماوە نمایش دەکات

ئەمڕۆ کۆمپانیای هواوەی بە فەرمی ڕایگەیاند لە ڕۆژی 2ی مانگی داهاتوو مۆبایلی چەماوەی Huawei Pocket S نمایش دەکات. پێش نمایش کردنی فەرمی مۆبایلەکە دیزاینی مۆبایلەکە دزەی پێ کراوە و بە پێی هەواڵە دزەپێکراوەکە بێت دیزاینی مۆبایلەکە بەم شێوەیە دەبێت 👇

بە پێی وێنەکە بێت، دیزاینی مۆبایلەکە لە دیزاینی مۆبایلی Huawei P50 Pocket دەچێت بەڵام ئەم ژیکەڵەترە و بە 5 ڕەنگی شین و پەمەیی و سەوز و زەرد و گوڵ بەردەست دەبێت. هەروەها لە هەواڵەکەدا ئاماژەی پێ کراوە مۆبایلەکە چیپسێتی Snapdragon 778G 4G لەسەر جێگیر دەکرێت لەگەڵ ڕوونمای 120 هێرتز.

نرخی دزەپێکراوی مۆبایلەکە بریتییە لە 690 دۆلار بۆ بیرگەی 256 و ڕامی 6 گێگابایت و بۆ بیرگەی 512 گێگابایت و ڕامی 12 گێگابایت بریتییە لە 965 دۆلار

میران ئەبوبەکر

بەڕێوبەری نووسین لە پێگە و ماڵپەڕی کەی ئای تی ئێن، خوێندکاری کۆلێژی پزیشکی دەرمانسازی.