بەفەرمی Honor X9b بە ڕوونمای OLED نمایش کرا

کۆمپانیای ئۆنەر بە بێدەنگی لە وڵاتی سعودیە مۆبایلی ئاست مامناوەندی Honor X9b نمایش کرد. ڕوونماکەی قەبارەی 6.78 ئینجە و لە جۆری OLED و ڕوونی 1200*2652 پێکسڵ و تێکڕایی نوێ بوونەوەی 120 هێرتزە. بە چیپسێتی Snapdragon 6 Gen 1 کاردەکات و بە ڕامی 12 گێگابایت و بیرگەی 256 گێگابایت بەردەست دەبێت.

کامێرای سەرەکی ڕوونی 108 مێگاپیکسڵە و گامێرای گۆشە فراوان ڕوونی 5 مێگاپیکسڵە و کامێرای ماکرۆش 2 مێگاپیکسڵە. هەروەها کامێرای سێڵفی ڕوونی 16 مێگاپیکسڵە کە لە چاڵی ڕوونما جێگیر کراوە.

کار بە سیستەمی ئەندرۆید 13 بنەچەکراو لەسەر وەشانی MagicOS 7.2 کار دەکات. پاترییەکەی قەبارەی 5,000 مللی ئەمپێر / کاتژمێرییە بە بارگاوی کەرەوەی 35 وات. ئۆنەر نرخ و کاتی بەردەست بوونی مۆبایلەکەی ئاشکرا نەکردووە.

موحەمەد نەجات

نوسەری پێشکەوتوو لە ماڵپەڕی کەی ئای تی ئێن، دەرچووی بەشی سیستەمی زانیاری کارگێڕی.