باشترین ٣ تەختەی دیجیتاڵ کە ڕاستەوخۆ ئامادەن بۆ بەکارهێنان لەناو وێبگەڕێکەوە!

زۆرکات پێویستمان بە شوێنێک دەبێت بۆ نەخشەکێشان، ڕوونکردنەوەی بیرۆکەکان، یان کێشانی هێڵکاری (Flowcharts)، بەڵام نامانەوێت بەرنامەی قورس دابەزێنین و زۆربەی کات پێویستیان بەپارەیە. لێرەدا ٣ باشترین ئەپڵیکەیشنی وێب (Web Apps) دەخەینەڕوو کە بە خۆڕایین و سەرچاوە کراوەن:

١. Excalidraw (باشترین بۆ شێوازی دەستنووس)

ئەمە بەناوبانگترینیانە. تایبەتمەندییەکی جوانی هەیە کە وای لێدەکات وێنەکان وا دەربکەون کە “بە دەست” کێشراون، ئەمەش وێنەکان سەرنجڕاکێشتر دەکات.

• تایبەتمەندی: پێویستی بە دروستکردنی ئەکاونت نییە، زۆر ئاسانە، و تایبەتمەندی “Snap”ی هەیە بۆ پێکەوەبەستنی شێوەکان.

• بۆچی بەکاری بهێنین؟ بۆ وێنەکێشانی هێڵکاری تەلارسازی (Architecture)، نەخشەی پڕۆژە و ڕوونکردنەوەی خێرا.

• کرتە بکە بۆ کردنەوەی Excalidraw

٢. WBO (سادەترین و خێراترین)

ئەگەر Excalidraw بەلاتەوە قەرەباڵغە، ئەوا WBO تەنها ئەوەت پێ دەدات کە پێویستتە. شاشەیەکی سپی سادە بەبێ هیچ زیادەیەک.

• تایبەتمەندی: تەنها قەڵەم و نوسین و شێوەی ئەندازەیی و ڕەنگەکانی تێدایە. دەتوانیت بۆردێکی گشتی (Public) یان تایبەت دروست بکەیت.

• بۆچی بەکاری بهێنین؟ بۆ کاتێک لە کۆبوونەوەیەکی ئۆنلایندایت و دەتەوێت خێرا شتێک بۆ بەرامبەرەکەت بکێشیت و دواییش دایخەیت.

• کرتە بکە بۆ کردنەوەی WBO

٣. tldraw (پێشکەوتوو و زیرەک)

ئەمەیان لە نێوان دووەکەی تردایە؛ هەم سادەیە و هەم بەهێزە. دیزاینەکەی لە بەرنامەکانی وەک Figma دەچێت و زۆر مۆدێرنە.

• تایبەتمەندی: “کانڤاس”ی بێ کۆتایی هەیە (Infinite canvas) و دەتوانیت تا بێ کۆتایی زووم بکەیت. خاڵێکی بەهێزی بریتییە لە “Make Real” کە دەتوانێت بەهۆی زیرەکی دەستکردەوە وێنەکێشانەکەت بکات بە ڕاستەقینە.

• تێبینی: کۆدەکەی کراوەیە بەڵام مۆڵەتەکەی هەندێک مەرجی هەیە بۆ بەکارهێنانی بازرگانی (لۆگۆکەی خۆی لەسەر لاناچێت مەگەر پارە بدەیت).

• کرتە بکە بۆ کردنەوەی tldraw

کەواتە ئەگەر دەتەوێت وێنەکانت جوان و دەستکرد دەربکەون، Excalidraw هەڵبژێرە. ئەگەر خێراییت دەوێت، WBO باشترینە. ئەگەر دیزاینی مۆدێرن و زیرەکت دەوێت، tldraw بەکاربهێنە.