سامسۆنگ وەشانێکی نوێی ڕەوانەی مۆبایلەکانی گالەکسی Note 10 و +Note 10 کرد

گومان لەوەدا نییە کە سامسۆنگ بۆ ماوەیەکی زۆر بەردەوام دەبێت لە ڕەوانەکردنی وەشانی نوێ بۆ مۆبایلە نوێیەکانی گالەکسی Note 10 و +Note 10. کۆمپانیاکە وەشانێکی نوێی ڕەوانەی مۆبایلە ناوبراوەکان کرد.

وەشانێکی نوێ بە ژمارە N97xU1UES1ASI3 ڕەوانەی بەکارهێنەرانی مۆبایلەکانی گالەکسی Note 10 و +Note 10 لە ویلایەتە یەکگرتووەکانی ئەمریکا و چەند وڵاتێکی ئەوروپا کراوە، قەبارەی وەشانە نوێیەکەی مۆبایلەکان 205 مێگابایتە و ڕێڕەوی ئاسایشی مانگی 10 ـی 2019 ـی ئەندرۆید لەخۆ دەگرێت.

هەروەها ژمارەیەک لە بەکارهێنەرانی مۆبایلەکانی گالەکسی Note 10 و +Note 10 لە وڵاتانی هۆڵەندا و بەلجیکا و ئەڵمانیا وەشانێکی نوێیان بە ژمارەی N97xFXXU1ASJ2 بەدەست گەیشتووە کە تێیدا جۆرایەتی وێنەکان و دەنگی تەختەکلیل باشتر کراون و ڕێڕەوی ئاسایشی مانگی 10 ـی 2019 ـی ئەندرۆیدیش لەخۆ دەگرێت. قەبارەی ئەم وەشانەیان 260 مێگابایتە.

پێویستە VPN کار پێبکەیت و ویلایەتە یەکگرتووەکانی ئەمریکا یاخود هەر وڵاتێکی ئەوروپا هەڵبژێریت ئەگەر دەتەوێت بە زووترین کات وەشانەکەت پێ بکات.

ماکوان بەرزان

نووسەر، بەڕێوەبەری نووسین، گەشەپێدەر و خوێندکاری پەیمانگەی زانستی کۆمپیوتەر.