مۆبایلی Vivo iQOO Neo 855 بە پڕۆسێسەری Snapdragon 855 و نرخی دەستپێکی 280$ ـەوە نمایشکرا

کۆمپانیای Vivo ـی چینی مۆبایلی نوێی iQOO Neo 855 ـی تایبەت بە یاریکردنی بە پڕۆسێسەری Snapdragon 855 و نرخی دەستپێکی 280$ ـەوە نمایشکرد.

مۆبایلی نوێی iQOO Neo 855 خاوەن ڕوونمایەکە بە قەبارەی 6.38 ئینج لە جۆری Super AMOLED و بە وردی نیشاندانی 1080 بە 2340 پێکسڵ. لە پشتەوە خاوەن 3 دانە کامێرایە بە ڕوونییەکانی 12 و 8 و 2 مێگاپێکسڵ و لە پێشەوەش خاوەن کامێرایەکە بە ڕوونی 16 مێگاپێکسڵ و لەسەر نۆچە دڵۆپەییەکەی سەر ڕوونماکەی جێگیر کراوە. پڕۆسێسەری Qualcomm Snapdragon 855 ـی لەسەر جێگیرکراوە و خاوەن ڕامی 6 و 8 گێگابایت و بیرگەی ناوەکی بە قەبارەکانی 64 و 256 گێگابایتییە. خاوەن پاترییەکە بە توانستی 4,420 ملی ئەمپێر و پشتگیری لە بارگاویکردنەوەی خێرا دەکات بە توانای 33 وات.

گرنگترین تایبەتمەندییەکانی مۆبایلی Vivo iQOO Neo 855:

• ڕوونما: قەبارە: 6.38 ئینج. جۆر: Super AMOLED. وردی نیشاندان: 1080 بە 2340 پێکسڵ.
• دیزاین: نۆچ: هەیە. چاڵی ژێر ڕوونما: نییە.
• پڕۆسێسەر: Qualcomm Snapdragon 855.
  
• گرافیک: 2.842GHz octa-core.
• ڕام: 6 و 8 گێگابایت.
• بیرگە: 64 و 256 گێگابایت.
• ئەستووری: 8.1 میلیمەتر.
• کێش: 193 گرام.
• پاتری: 4,420 ملی ئەمپێر/کاتژمێر.
• بارگاویکردنەوە: پشتگیری لە بارگاویکەرەوەی خێرا بە توانای 33 وات.
• کامێرای پشتەوە: سەرەکی: 12 مێگاپێکسڵ دووەم: 8 مێگاپێکسڵ. سێیەم: 2 مێگاپێکسڵ.
• کامێرای پێشەوە(سێڵفی): یەکەم: 16 مێگاپێکسڵ.
• هەستەوەری ئاسایشی: هەستەوەری پەنجەمۆر لە ژێر ڕوونما.
• دەرچە: USB-C.
• سیمکارت: دوانە سیمکارت.
• ڕەنگ: ڕەش – مۆری تێکەڵاو – شینی ئاسمانی تێکەڵاو.
• سیستەمی کارپێکەر: Android 9 Pie.
• حاڵەتی بەردەستبوون: بەردەست نییە.
• نرخ: دەست پێدەکات لە 280$.

وا بڕیارە لە ڕێکەوتی 31 ـی ئەم مانگەدا مۆبایلی Vivo iQOO Neo 855 لە بازاڕەکانی وڵاتی چیندا بەردەست بکرێت بۆ فرۆشتن.

ماکوان بەرزان

نووسەری پێشکەوتوو، هەوادار و گەشەپێدەری سەکۆکانی ئەپڵ.