مۆبایلی Xiaomi Redmi Note 8T بە پشتگیریکردن لە NFC و نرخی دەستپێکی 220$ ـەوە ڕاگەیاندرا

پێشووتر دەمانزانی کە شاومی لە پلانیدایە تاوەکو مۆبایلی Xiaomi Redmi Note 8T ڕابگەیەنێت. لە کۆتایدا، کۆمپانیا چینییەکە مۆبایلی Xiaomi Redmi Note 8T ـی بە پشتگیریکردن لە NFC و نرخی دەستپێکی 220$ ـەوە ڕاگەیاند.

مۆبایلی Xiaomi Redmi Note 8T خاوەن ڕوونمایەکە بە قەبارەی 6.3 ئینج لە جۆری LCD و بە وردی نیشاندانی 1080 بە 2340 پێکسڵ. لە پشتەوە خاوەن 4 دانە کامێرایە بە 48 و 8 و 2 و 2 مێگاپێکسڵ و لە پێشەوەش خاوەن کامێرایەکە بە ڕوونی 13 مێگاپێکسڵ و لەسەر نۆچە دڵۆپەییەکەی جێگیر کراوە. پڕۆسێسەری Snapdragon 665 ـی لەسەر جێگیر کراوە و خاوەن ڕامی 3 و 4 گێگابایت و بیرگەی بیرگەی 32 و 64 و 128 گێگابایتییە. خاوەن پاترییەکە بە توانستی 4,000 ملی ئەمپێر و پشتگیری لە بارگاویکردنەوەی خێرا دەکات بە توانای 18 وات. ئەوەی ئەم مۆبایلە جیا دەکاتەوە لە Xiaomi Redmi Note 8، ئەوەیە کە پشتگیری لە تایبەتمەندی NFC دەکات و خاوەن ڕام و بیرگەی کەمتر و نزمترە.

گرنگترین تایبەتمەندییەکانی مۆبایلی Xiaomi Redmi Note 8T:

• ڕوونما: قەبارە: 6.3 ئینج. جۆر: LCD. وردی نیشاندان: 1080 بە 2340 پێکسڵ.
• دیزاین: نۆچ: هەیە. چاڵی ژێر ڕوونما: نییە.
• پڕۆسێسەر: Snapdragon 665.
• گرافیک: Adreno 610.
  
• ڕام: 3 و 4 گێگابایت.
• بیرگە: 32 و 64 و 128 گێگابایت.
• ئەستووری: 8.6 میلیمەتر.
• کێش: 200 گرام.
• پاتری: 4,000 ملی ئەمپێر/کاتژمێر.
• بارگاویکردنەوە: پشتگیری لە بارگاویکەرەوەی خێرا بە توانای 18 وات.
• کامێرای پشتەوە: سەرەکی: 48 مێگاپێکسڵ بە تیرەی f/1.8. دووەم: 8 مێگاپێکسڵ بە تیرەی f/2.2. سێیەم: 2 مێگاپێکسڵ بە تیرەی f/2.4. چوارەم: 2 مێگاپێکسڵ بە تیرەی f/2.4.
• کامێرای پێشەوە(سێڵفی): 13 مێگاپێکسڵ بە تیرەی f/2.2.
• هەستەوەری ئاسایشی: هەستەوەری پەنجەمۆر لە پشتەوە.
• دەرچە: USB-C – بیستۆک.
• ڕایەڵە: Wi-Fi 802.11 a/b/g/n/ac – dual-band – Wi-Fi Direct – hotspot – Bluetooth 5.0. تایبەتمەندی NFC: هەیە.
• سیمکارت: دوانە سیمکارت.
• ڕەنگ: خۆڵەمێشی – سپی – شین.
• سیستەمی کارپێکەر: MIUI 10 (بنچینەکراو لەسەر Android 9 Pie).
• حاڵەتی بەردەستبوون: بەردەست نییە.
• نرخ: دەست پێدەکات لە 220$.

وا بڕیارە مۆبایلی Xiaomi Redmi Note 8T بە نرخی دەستپێکی 220$ لە ڕێکەوتی 8 ـی ئەم مانگەدا لە ئیسپانیا و ئیتاڵیا بەردەست بکرێت بۆ فرۆشتن و بەمنزیکانە لە وڵاتانی دیکەی ئەوروپا بەردەست دەکرێت بۆ فرۆشتن.

ماکوان بەرزان

نووسەری پێشکەوتوو لە Kitn لە ٢٠١٨ ـەوە. ئەندازیاری iOS لە Gateway. خوێندکاری ئەندازیاریی ئایتی لە زانکۆی پۆلیتەکنیکی سلێمانی.