چۆنێتی دابەزاندنی وەشانی پێشبینینی ویندۆز 11

ئەمڕۆ مایکرۆسۆفت سیستەمی وەگەرخەڕی ویندۆز 11 بە کۆمەڵێک تایبەتمەندی نوێوە ڕاگەیاند، وە ئەگەر تۆ بەپەرۆش بیت بۆ وەشانە نوێیەکە، بێگومان دەتەوێت وەشانێکی ڕەسەنی سیستەمەکە دابگریت، هەرچەندە لە ڕۆژی 15 ئەم مانگەدا وەشانی دزەپێکراوی سیستەمەکە بڵاو کرایەوە، بەڵام مایکرۆسۆفت دەڵێت لە هەفتەی داهاتووەوە دەست دەکات بە بەردەست خستنی وەشانێکی پێشبینین(preview) ـێک بۆ سیستەمی وەگەرخەڕی ویندۆز 11 لە ڕێگەی Windows Insider ـەوە

ئەگەر دەتەوێت کار بە وەشانی پێشبینی سیستەمەکە بکەیت کرتە لێرە بکە و بچیتە Windows Insider و کرتە بکە لەسەر دوگمەی تۆمار کردن و بە هەژماری مایکرۆسۆفتی تایبەتی خۆت بچۆرە ژوورەوە، هەروەها دەتوانیت کۆمپیوتەرەکەت بپشکنیت بۆ ئەوەی بزانی گونجاوە بۆ سیستەمەکە یاخوود نا، بە کرتە کردن لەسەر ماڵپەڕی Windows.com و داونڵۆد کردنی ئەپی PC Health Check

هەروەها مایکرۆسۆفت کاتی بەردەست خستنی وەشانەکەی بە شێوەیەکی جێگیر دیاری نەکردووە

میران ئەبوبەکر

نووسەر لە پێگە و ماڵپەڕی کەی ئای تی ئێن، خوێندکاری ئامادەیی.