مۆبایلی OnePlus 8 Pro لە دەستی ڕۆڵگێڕ Robert Downey Jr ـدا بەدی کرا

هیچ شاراوە نییە کە کۆمپانیای وەنپڵەس لە ئامادەکاریدا بۆ ڕاگەیاندنی زنجیرەی 8 لە مۆبایلەکانی. لە ماوەی ڕابردوودا ژمارەیەک ڕێندەر و دزەپێکراوی مۆبایلەکە بڵاوکرانەوە، بەڵام دزەپێکراوێکی ئەمجارە لەسەر مۆبایلەکە، بە تەواوی لەوانی دیکە جیاوازە.

وێنەیەکی ڕۆڵگێڕی بەناوبانگی هۆڵیود Robert Downey Jr چرکێندراوە کە تێیدا بەدی دەکرێت مۆبایلی OnePlus 8 Pro ـی بە دەستەوەیە. پێگەی GSMArena دەڵێن دڵنیان لەوەی کە مۆبایلەکەی دەستی Robert، مۆبایلی OnePlus 8 Pro ـە، لەسەر بنەماکانی دزەپێکراوێکی پێشتری مۆبایلەکە.

ئەمە یەکێک لە دزەپێکراوەکانی ماوەی ڕابردووی مۆبایلی OnePlus 8 Pro ـە، کە هەمان دیزاینی مۆبایلەکەی دەستی Robert Downey Jr ـە:

هەروەها ئەمانەش ژمارەیەک ڕێندەری دزەپێکراوی مۆبایلەکەن:

پێشبینی دەکرێت مۆبایلەکانی OnePlus 8 و OnePlus 8 Pro لە ساتەوەختێکی ئەم مانگەدا یاخود مانگی داهاتوودا نمایش بکرێن. دزەپێکراوەکانی پێشتر ئاشکرایان کرد کە مۆبایلەکان خاوەن دواین جۆری پڕۆسێسەری Snapdragon 865 دەبن و پشتگیری لە نەوەی پێنجەمی پەیوەندی 5G دەکەن.