مۆبایلی Oppo Ace 2 بە پڕۆسێسەری Snapdragon 865 و 4 کامێرا و بارگاویکردنی خێرای بێوایەری 40 واتی ڕاگەیاندرا

ئەمڕۆ کۆمپانیای Oppo ـی چینی یەکەمین مۆبایلی پشتگیر لە بارگاویکردنی بێوایەری خۆی بە ناوی Oppo Ace 2 بە هەبوونی پڕۆسێسەری Snapdragon 865 و 4 کامێراوە ڕاگەیاند.

کۆمپانیای Oppo ڕووی لە بەکارهێنانی تەکنەلۆژیای بارگاویکردنی بێوایەری AirVOOC کرد بۆ مۆبایلەکانی خۆی و مۆبایلی Oppo Ace 2 ـش بووە یەکەمین مۆبایلی کۆمپانیاکە بە خاوەن تایبەتمەندییەکەوە. مۆبایلی نوێی Oppo Ace 2 وەکو مۆبایلی Oppo Find X2 Pro قەشەنگ نییە، وە تایبەتمەندییەکانیشی بە بەراورد بە Oppo Find X2 Pro هێندە بەرز نییە.

مۆبایلی Oppo Ace 2 خاوەن ڕوونمایەکە بە قەبارەی 6.5 ئینج لە جۆری OLED و بە ڕوونی +FHD و خێرایی نوێبوونەوەی 90 هێرتز، لە ژێر ڕوونماکەی خاوەن چاڵە و کامێرایەکی 16 مێگاپێکسڵی تێدا جێگیر کراوە و هەستەوەری پەنجەمۆریش لە ژێر ڕوونماکەیدا بوونی هەیە. لە پشتەوە خاوەن بازنەیەکە کە 4 دانە کامێرای بە ڕوونییەکانی 48 و 8 و 2 و 2 مێگاپێکسڵ تێدا جێگیر کراوە.

لە ناوەوە، پڕۆسێسەری 7 نانۆمەتری Snapdragon 865 ـی لەسەر جێگیر کراوە، بەمەش پشتگیری لە نەوەی پێنجەمی پەیوەندی 5G دەکات. خاوەن ڕامی 8 و 12 گێگابایتی جۆری LPPDR5 و بیرگەی ناوەکی 128 و 256 گێگابایتی جۆری UFS 3.0 ـە. خاوەن پاترییەکە بە توانستی 4,000 ملی ئەمپێر، کە پشتگیری لە تەکنەلۆژیای بارگاویکردنی خێرای بە وایەری SuperVOOC 2.0 بە توانای 65 وات و بێوایەری خێرای AirVOOC بە توانای 40 وات دەکات. مۆبایلەکە لە ڕێگەی بارگاویکردنەوەی بێوایەری خێرا بە 56 خولەک لە 0% تاوەکو 100% بارگاوی دەبێتەوە.

هەروەها Oppo بارگاویکەرەوەیەکی بێوایەری تایبەت بە مۆبایلەکە بە نرخی 35$ بەردەست دەکات، کە بە تەنها لەگەڵ مۆبایلی Oppo Ace 2 کار دەکات.

گرنگترین تایبەتمەندییەکانی مۆبایلی Oppo Ace 2:

• ڕوونما: 
  • قەبارە: 6.55 ئینج.
  • جۆر: OLED.
  • وردی نیشاندان: 1080 بە 2400 پێکسڵ.
  • خێرایی: 90 هێرتز
• دیزاین: 
  • نۆچ: نییە.
  • چاڵی ژێر ڕوونما: هەیە.
• پڕۆسێسەر: (+Qualcomm Snapdragon 865 (7 nm.
  
• گرافیک: Adreno 650.
• ڕام: 8 و 12 گێگابایت.
• بیرگە: 128 و 256 گێگابایت.
• ئەستووری: 8.6 میلیمەتر.
• کێش: 186 گرام.
• پاتری: 4,000 ملی ئەمپێر/کاتژمێر.
• بارگاویکردنەوە: تەکنەلۆژیای بارگاویکردنەوەی بە وایەری خێرای Super VOOC 2.0 بە توانای 65 وات و بێوایەری خێرای AirVOOC بە توانای 40 وات.
• کامێرای پشتەوە: 
  • سەرەکی: 48 مێگاپێکسڵ بە تیرەی f/1.7 و لە جۆری Wide.
  • دووەم: 8 مێگاپێکسڵ بە تیرەی f/2.2 و لە جۆری Ultra Wide.
  • سێیەم: 2 مێگاپێکسڵ لە جۆری Depth.
  • چوارەم: 2 مێگاپێکسڵ لە جۆری Depth.
• کامێرای پێشەوە(سێڵفی):
  • سەرەکی: 16 مێگاپێکسڵ بە تیرەی f/2.4 لە جۆری Wide.
• هەستەوەری ئاسایشی: هەستەوەری پەنجەمۆر لە ژێر ڕوونما.
• دەرچە: USB-C.
• ڕایەڵە: 5G – Wi-Fi 802.11 a/b/g/n/ac – dual-band – Wi-Fi Direct – hotspot – Bluetooth 5.0.
  • تایبەتمەندی NFC: هەیە.
  • تایبەتمەندی Radio: نییە.
• سیمکارت: دووانە سیمکارت.
• ڕەنگ: خۆڵەمێشی – زیوی – پەمەیی.
• سیستەمی کارپێکەر: ڕووکاری ColorOS 7.1 (بنچینەکراو لەسەر Android 10).
• حاڵەتی بەردەستبوون: بەردەست نییە.
• ڕێکەوتی بەردەستبوون: 20 ـی نیسان.
• نرخ: دەستپێدەکات لە 565$.

نرخەکان

• ڕامی 8 گێگابایتی و بیرگەی 128 گێگابایتی: 565$.
• ڕامی 8 گێگابایتی و بیرگەی 256 گێگابایتی: 625$.
• ڕامی 12 گێگابایتی و بیرگەی 256 گێگابایتی: 650$.

وا بڕیارە لە ڕێکەوتی 20 ـی ئەم مانگە بۆ یەکەمجار لە بازاڕەکانی چین بەردەست دەکرێت بۆ کڕین. ڕێکەوتی بەردەستکردنی لە بازاڕی وڵاتانی دیکەدا نەزاندراوە.