کۆمپیوتەر 22, ئه‌یلول 2020

بە فەرمی لاپتۆپی HP Pavilion 14 بە پرۆسێسەرەکانی نەوەی یازدەهەمی ئێنتێڵەوە نمایش کرا

ئێچ پی Pavilionـی نوێ بەراورد بە نەوەی پێشوو

ئێچ پی Pavilion 14ـی نوێ بە نوێ کراوەتەوە لە ڕووی دیزاین و پرۆسێسەر و بوونی بژاردەی شەش ڕەنگ، پرۆسێسەرەکانی Intel Tiger Lake لە خۆ دەگرێت کە تایبەتن بە لاپتۆپە تەنکەکان، هەروەها گرافیک کاردی ناوەکی Nvidia Ge Force MX450 لە خۆ دەگرێت

 

ڕێژەی ڕوونما بۆ لاشەی لاپتۆپەکە بریتییە لە 84% و 27% ساردکردنەوەی لاپتۆپەکە باشتر کراوە، ئێچ پی شەش ڕەنگی جیاوازی بۆ لاپتۆپەکە بەردەست خستووە کە وڵات بۆ وڵات دەگۆڕێت لە ڕووی بەردەست خستنی ڕەنگەکانەوە، هەروەها ڕەنگەکان زۆرینەی تێکەڵەی دوو ڕەنگن و زۆر نایاب و جوانن:

Natural Silver

Warm Gold/Luminous Gold

Ceramic White/Natural Silver

Serene Pink/Tranquil Pink

Tranquil Pink/Natural Silver

Ceramic White/Rose Gold

سێ چەمانەوەی باریک لە گۆشەکانی لاپتۆپەکە بە دیار دەکەوێت و قەبارەی ڕوونماکەی 14 ئینجە و بە هەر سێ ڕوونی HD و FHD و UHD بەردەست دەخرێت، وە لە ڕووی دەرچەشەوە دەرچەی microSD و HDMI 2.0 و دوو دەرچەی USB Type-A و Headphone Jack 3.5mm لە خۆ دەگرێت، وای فای 6 لە خۆ دەگرێت لەگەڵ Bluetooth 5 و بڵندگۆکانیشی لە جۆری بڕاندی B&O و هەستەوەری پەنجەمۆر لە خۆ دەگرێت

لاپتۆکە بە هەر سێ نەوەی Core i3 و Core i5 و Core i7 بەردەست دەخرێت، هەروەها بیرگەی ناوەکی <span;>Intel Optane Memory H10 لە خۆ دەگرێت و دەتوانرێت بەرز بکرێتەوە بۆ 1 تێرابایت، خاوەن پاترییەکە کە بەرگەی 8 کاتژمێر و 45 خوولەک دەگرێت بۆ کاری ئاسایی و بە یەکجار بارگاوی کردنەوە و 50% پاترییەکە بە نیو کاتژمێر بارگاوی دەبێتەوە

لە مانگی 10 ئەمساڵ لە ئەمریکا دەست بە فرۆشتنی دەکرێت بە نرخی دەست پێکی 579.99 دۆلار و ئێچ پی بە تەواوەتی نرخی هەموو بژاردەکانی لاپتۆپەکەی ئاشکرا نەکردووە

ئێچ پی Pavilionـی نوێ بەراورد بە نەوەی پێشوو
سەرچاوە Notebook Check
بۆچونی تۆ