بە فەرمی ئەپی Apple TV بەردەست خرا بۆ ئەو Chromecastـانەی کار لەگەڵ Android TV دەکەن

بە فەرمی گووگڵ ڕایگەیاند ئەپی Apple TV بەردەست دەبێت بۆ پلاتفۆرمی Google TV و لە ئێستادا بەردەستە بۆ Chromecastـانەی کار لەگەڵ Android TV دەکەن، هەروەها بۆ مۆدێلەکانی کۆمپانیای TCL و سۆنی بەردەست دەبێت و لە داهاتوودا بۆ تەلەڤزیۆنی زیاتری پلاتفۆرمی Android TV بەردەست دەخرێت

خاوەنی ئەو Chromecastـانەی کە کار لەگەڵ Google TV دەکەن دەتوانن بە هەموو شێوازێک سوود لەم ئەپە وەر بگرن و چێژ لە تەلەڤزیۆنی ئەپڵ ببینن، هەروەها دەتوانن بە شێوەی پارەدان سوود لە خزمەتگوزاری +Apple TV بیبینن، هەروەها دەتوانن سوود لە گەڕان لە ڕێگەی یاریدەدەری کەسی Google Assistantـەوە ببینن و دەتوانیت چێژ لە نمایشەکان وەر بگریت تاوەکو ڕوونی 4K بە تایبەتمەندی HDRـەوە بە مەرجێک تەلەڤزیۆنەکەت پشتگیری لێ بکات

نرخی ئامێری Chromecast لەگەڵ Google TV بریتییە لە 50 دۆلار و نرخی بەشداری کردنی خزمەتگوزاری +Apple TV مانگانە بریتییە لە 5 دۆلار، واتە سەرەتا و بۆ یەک مانگ چێژ وەرگرتن لەم ئەزموونە پێویستت بە بڕی 55 دۆلار دەبێت بۆ کڕین و بەشداری کردنی ئامێرەکە و خزمەتگوزارییەکە

میران ئەبوبەکر

نووسەر لە پێگە و ماڵپەڕی کەی ئای تی ئێن، خوێندکاری ئامادەیی.