ڕێنمایی 4, ئایار 2022

چەندین تایبەتمەندی مایکرۆسۆفت ئیکسێڵ بۆ ئاستی پێشکەوتوو بزانە!

 

ئەگەر تۆ ئاستێکی پێشکەوتووت هەیە لە بەکارهێنانی ئەپی بەناوبانگی Microsoft Excel ئەوا دەتوانیت سوود لەم نوسراوە وەر بگریت، لەگەڵ بەکارهێنانی ئەم تایبەتمەندییانە کاتێکی زۆرت بۆ دەگەڕێتەوە و کارەکانت ئاسانتر بەڕێوە دەچێت

 

1- قەد بڕ لە ڕێگەی تەختەکلیل (Keyboard Shortcus):

 

تەختەکلیلەکان یەکێکن لەو ڕێگایانەی کە کارەکان زۆر ئاسانتر دەکەن بۆ نموونە

 

1- بەکارهێنانی |Ctrl + A| بۆ دیاری کردنی هەموو داتاکان

 

2- بەکارهێنانی |Ctrl + C| بۆ کۆپی کردنی داتای هەڵبژێردراو

 

3- بەکارهێنانی |Ctrl + V| بۆ پەیست کردنی داتای هەڵبژێردراو

 

4- بەکارهێنانی |Ctrl + End| بۆ بینینی کۆتا خانە (Cell) لە داتاکانت

 

5- بەکارهێنانی |Ctrl + Home| بۆ بینینی یەکەمین خانە (Cell) لە داتاکانت

 

6- بەکارهێنانی |Ctrl + Up Arrow| بۆ بینینی یەکەمین خانە لە ستوونی چالاک (Active Column)

 

7- بەکارهێنانی |Ctrl + Down Arrow| بۆ بینینی کۆتا خانە لە ستوونی چالاک (Active Column)

 

8- بەکارهێنانی |Shift + Space| بۆ دیاری کردنی Row لە خانە(Cell) ـی چالاک

 

9- بەکارهێنانی |Ctrl + Space| بۆ دیاری کردنی ستوون(Column) لە خانە(Cell) ـی چالاک

 

10- بەکارهێنانی |Ctrl + minus sign| بۆ بەدەست خستنی بژاردەی سڕینەوە (سڕینەوەی ستوون، Row، هتد…)

 

2- کۆپی کردنی Formula Down (هاوکێشەکان)

 

بۆ خێراتر کۆپی کردنی Formula Down، نیشاندەرەکە بخە سەر بەشی خوارەوەی لای ڕاستی خانەکە(Cell) و لەگەڵ هاوکێشەکە(Formula) تێبینی دەکەیت نیشاندەرەکە گۆڕاوە بۆ هێمایەکی (+) بە ڕەنگی ڕەشی تۆخ، پاشان دووجار کرتە بکە لەو هێمایە

 

3- کۆ کردنەوەی ستوونێک یان ڕیزێک

 

بۆ کۆکردنەوەی تەواوی ڕیزێک(Row) یان ستوونێک(Column) لە کۆتا خانە |Alt + =| بەکار بهێنە

4- سڕینەوەی ڕیزە دووبارەکان

 

بۆ سڕینەوەی ڕیزە دووبارەکان و سادەتر کردنی داتاکانت:

 

1- مەودای ئەو داتایە دیاری بکە کە ڕیزی دووبارە بووەوەی تێدایە و پاشان |Ctrl + A| بکە

 

2- کرتە لە بەشی ‘Data’ بکە لە بەشی پێڕست (Menu)

 

3- کرتە لە دوگمەی Remove Duplicates بکە

 

4- دیاری بکە ئەگەر داتاکانت (Headers) هەیە یاخوود نا

 

5- کرتە لە (Ok) بکە

5- هێنانی خشتە لە وێبەوە

 

ئەگەر تۆ پێویستت بە خشتەیەک بوو و خشتەکە لە وێبدا بەردەست بوو، ئەوا پێویستە ئەم ڕێکارانە بگریتە بەر بۆ هێنانی ئەو خشتەیە لە وێبەوە:

 

1- لە بەشی پێڕست(Menu) کرتە لە (Data) بکە

 

2- کرتە لە بەشی From Web بکە

 

3- لە بەشی وێبگەڕەکە ناونیشان (URL) وێبسایتەکە بنووسە

 

4- کرتە لە (Go) بکە لە بەشی وێبگەڕەکە و وەرە خوارەوە و کرتە لە Click to select this table بکە و پاشان کرتە لە Import بکە و پاشان OK

6- گۆڕینی ژمارەکان بۆ مەوداکان(Ranges)

 

ئایا تاوەکو ئێستا پێویستت بەوە بووە کە ستوونی ژمارەکان بگۆڕیت بۆ مەودای جیاکراوە بۆ پووختەیەکی سادەتر یان بەکارهێنانی وەک گراف؟ ئەوا دەتوانیت سوود لە هاوکێشەی |VLOOKUP| ببینیت، Syntax ـی ئەم هاوکێشەیە بریتییە لە =VLOOKUP(lookup_value,table_array,col_index_num,range_lookup) ، پاشان ژمارەکان بگۆڕە بۆ مەوداکان و بە بەکارهێنانی |range_lookup| دواتر، با سادەتری بکەین، بۆ نموونە تۆ چەند داتایەکت لە ستوونی A هەیە کە بریتین لە ڕێژەی دانیشتوان، داهات، خەرجی و هتد… و دەتەوێت بیگۆڕیت بە ڕێژە:

 

1- درووستکردنی خشتەیەک لە پێوانەکان و مەودا جیاکراوەکان، لە نێوان ستوونی F و G

 

2- لە |C2| هاوکێشەی =VLOOKUP(A2,F3:G8,2,1) بنووسە

 

3- هاوکێشەکە بەرەو خوارەوە ڕابکێشە و بۆ هەموو خانەکان زیادی بکە

 

بۆچونی تۆ