سامسۆنگ یەکەمین مۆنیتەری OLED نمایش کرد، توانای هەیە بە بێ کۆنسۆڵ کاری کۆنسۆڵ بکات

سامسۆنگ یەکەمین مۆنیتەری OLED ـی ڕاگەیاند بە ناوی Odyssey OLED G8، مۆنیتەرەکە پشتگیری لە تایبەتمەندی Samsung Gaming Hub دەکات کە دەتوانرێت لە ڕێگەیەوە کار بە خزمەتگوزارییەکانی Nvidia GeForce Now و Google Stadia و Xbox Game Pass بکرێت بە بێ ئەوەی پێویستی بە کۆنسۆڵ و کۆمپیوتەر هەبێت

قەبارەی 34 ئینجە و ڕوونی 3,440 * 1,440 پێکسڵە و تێکڕای نوێ بوونەوەی 175 هێرتزە، هەروەها پشتگیری لە تایبەتمەندی AMD FreeSync Premium دەکات بۆ باشتر کردنی تێکڕای نوێ بوونەوە و ڕوونی و ڕووناکی ڕوونماکە و گونجاندنی ڕوونماکە لەگەڵ ئەو GPU ـیەی کاری پێ دەکەیت، هەروەها بڵندگۆی ستیریۆی 5 واتی لەسەر جێگیر کراوە

دەرچەی Micro HDMI 2.1 و Mini DisplayPort 1.4 و USB-C لە خۆ دەگرێت، لە چارەکی چوارەمی ئەمساڵ بەردەست دەبێت و سامسۆنگ بە فەرمی نرخی بەرهەمەکەی ئاشکرا نەکردووە

میران ئەبوبەکر

بەڕێوبەری نووسین لە پێگە و ماڵپەڕی کەی ئای تی ئێن، خوێندکاری کۆلێژی پزیشکی دەرمانسازی.