وێبگەڕی گووگڵ کرۆم لەمەودوا بە ژیری دەستکرد تابەکانت ڕێک دەخات

بە زیاتر تێهەڵکێش کردنی ژیری دەستکرد، گووگڵ وێبگەڕی Chrome نوێ دەکاتەوە. لەبری بەردەست خستنی چاتبۆتی Bard لە لاتەنیشت (Sidebar)ی وێبگەڕی Chrome، گووگڵ چەند تایبەتمەندییەکی دیکە بۆ وێبگەڕەکە زیاد دەکات کە بەکارهێنانی ئاسانتر دەکات.

یەکێک لە تایبەتمەندییە نوێیەکان بریتییە لە Tab Organizer، واتا دەتوانیت تەنها بە یەک کرتە هەموو تابەکان ڕێک بخەیتەوە و بە ژیری دەستکرد و بە شێوەیەکی خۆکارانە گروپیان بۆ دروست بکرێت.
هەروەها Chrome Theme نوێ کراوەتەوە، کە ئێستا دەتوانیت بە هەڵبژاردنی چەند ڕەنگ و وێنە و ستایلێک پاشبنەمایەکت بۆ دروست بکات بە ژیری دەستکرد.

هەروەها یەکێک لە تایبەتمەندییەکانی دیکە کە لە مانگی داهاتوو بەردەست دەبێت، بریتییە لە بەردەست خستنی Help Me Write لە هەموو وێبسایتەکان، تەنها کرتە بکە لە شوێنێک کە بتوانی نوسینی تێدا بنوسیت، دواتر کلیکی ڕاست بکە و ژیری دەستکرد یارمەتی دەرت دەبێت لە نوسینەکەدا.

گووگڵ پلانی وایە لە داهاتوودا مۆدێلی ژیری دەستکرد Gemini تێهەڵکێش بکات لەگەڵ وێبگەڕەکە بۆ گەڕان بە نێو ئینتەرنێتدا بەشێوەیەکی خێراتر و باشتر.

موحەمەد نەجات

نوسەری پێشکەوتوو لە ماڵپەڕی کەی ئای تی ئێن، دەرچووی بەشی سیستەمی زانیاری کارگێڕی.