ئای ئۆ ئێس 22, شوبات 2020

فەیسبووک ئەپی نوێی Creator Studio ـی تایبەت بە بەڕێوەبەردنی پەڕەکانی بۆ iOS و Android بەردەستکرد

لە بڵاوکراوەیەکدا، کۆمپانیای فەیسووک ئەپی Creator Studio ـی بۆ سیستەمەکانی iOS و Android ڕاگەیاند و بەردەستی کرد.

ئەپەکە تایبەتە بە خاوەن پەڕەکانی فەیسبووک، تاوەکو بە ئاسانی بتوانن پەڕەکانیان بەڕێوە ببەن و بە باشی زانیاری و شیکارییەکانیان دەربارەی بڵاوکراوەکان و پەڕەکانیان وەربگرن. ئەپەکە هەمان کاری ماڵپەڕی Creator Studio دەکات.

لە ئەپەکەدا، خاوەن پەڕەکانی فەیسبووک دەتوانن چالاکییەکانی پەڕەکانیان بزانن، ڕاستەوخۆ وەڵامی نامە و لێدوانەکان بدەنەوە و ئاگادارکەرەوەیان سەبارەت بە گرنگترین زانیاری و ئامارەکان بەدەست بگات.

بە پێی فەیسبووک بێت، ئەپی Creator Studio خاوەن زۆرینەی تایبەتمەندییەکانی ماڵپەڕەکەیەتی، بەڵام هەندێک تایبەتمەندی لە ئێستادا بەردەست نین. بۆ نموونە؛ خاوەن پەڕەکان دەتوانن لە ئەپەکەدا دەستکاری سەردێڕ و پێناسی ڤیدیۆکان بکەن، بڵاوکراوەکان بسڕنەوە، ڕەشنووسەکان بڵاو بکەنەوە و کات بۆ بڵاوکردنەوەیان دابنێن، بەڵام ناتوانن بڵاوکراوەیەکی نوێ لە ئەپەکەدا بڵاو بکەنەوە.

ئێستا ئەپەکە بە نرخی خۆڕایی بۆ هەر دوو سیستەمی iOS و Android بەردەستە و دەتوانیت لە ڕێگەی دوگمەکانی خوارەوە بۆ ئامێرەکەتی دابگریت.

  • Facebook Creator Studio
    دابەزاندن
  • Facebook Creator Studio
    دابەزاندن
  • بۆچونی تۆ