دێڵ کۆتایی بە براندی XPS هێنا

لە ڕۆژگاری ئەمڕۆماندا زۆربەی کۆمپانیاکان پەنا دەبەنە ناونانی بەرهەمەکانیان بە پاشگری پرۆ، پڵەس یانیش پرۆ ماکس. کۆمپانیای دێڵیش هەمان ڕێچکەی گرتە بەر و چیتر ناوی XPS، Inspiron، Latitude Precision و OptiPlex بۆ لاپتۆپەکانی بەکارناهێنێت، بەڵکو بۆ سێ ئاستی جیاواز دابەش دەکرێن بەپێی ناوەکانیان، Dell، Dell Pro و Dell Pro Max. هەر یەک لە ئاستەکانیش سێ مۆدێلی جیاوازییان دەبێت، Base، Plus و Premium.
بەم شێوەیە بێت لە داهاتوو لاپتۆپ بە ناوی Dell Pro Max Plus دیدەنی دەکەین. هەروەها لاپتۆپەکانی Dell Pro Premium بە هەردوو قەبارەی 13 و 14 ئینج بەردەست دەبێت و جێی لاپتۆپەکانی Latitude دەگرنەوە. زنجیرەی XPS کە زۆر بەناوبانگ بوو، بە مۆدێلی Dell Premium جێیان دەگیرێتەوە.

موحەمەد نەجات

نوسەری پێشکەوتوو لە ماڵپەڕی کەی ئای تی ئێن، دەرچووی بەشی سیستەمی زانیاری کارگێڕی.