گووگڵ جێمینای بۆ کاتژمێرە زیرەکەکان بەردەست کرد

گووگڵ زیرەکی دەستکردی جێمینای بۆ سیستەمی وەگەڕخەڕی Wear OS تایبەت بە کاتژمێرە زیرەکەکان بەردەست کرد. دەتوانیت بە وتنی “Hey Google” کار بە زیرەکییە دەستکردەکە بکەیت و هەر پرسیارێکت هەبێ بیکەیت. کاتژمێرەکان لە ڕێگەی زیرەکی دەستکردەوە زانیارییەکانیان لەبیر دەمێنێت، بۆ نموونە پێی دەڵێت بیرمبخەوە کە لە دوای کار کردن بڕۆم بۆ بازاڕ، ڕاستەوخۆ دوای کارەکەت بیرت دەخاتەوە. هەروەها تێهەڵکێش کراوە لەگەڵ جیمەیڵ و ڕۆژمێر و زیاتریش، دەتوانیت پرسیار لە بارەیانەوە بکەیت. بۆ نموونە دەتوانیت بڵێیت دوایین ئیمەیڵم بۆ کورت بکەرەوە.

هەروەها دەتوانیت پەیوەستی بکەیت بە یوتیوب میوزیکەوە و بۆ نموونە پێی بڵێیت چەند گۆرانییەکم بۆ هەڵبژێرە بۆ ڕاکردنێکی 10 کیلۆمەتری. ئەمانە و زۆر زیاتریش دەتوانرێت ئەنجام بدرێت لە ڕێگەی زیرەکی دەستکردی جێمینای بۆ کاتژمێرە زیرەکەکان. ئەم تایبەتمەندییە لە ماوەی هەفتەکانی داهاتوودا بۆ سیستەمی +Wear OS 4 و کاتژمێرەکانی کۆمپانیای گووگڵ، سامسۆنگ، ئۆپۆ، شاومی، وەن پڵەس بەردەست دەبێت.

میران ئەبوبەکر

بەڕێوبەری نووسین لە پێگە و ماڵپەڕی کەی ئای تی ئێن، خوێندکاری کۆلێژی پزیشکی دەرمانسازی.