سامسۆنگ گالەکسی ئەی 17 بە هەندێک گۆڕانکارییەوە ڕاگەیاند

سامسۆنگ نوێترین مۆبایلی ئاست مامناوەندی ڕاگەیاند. مۆبایلی Galaxy A17 خاوەن ڕوونمایەکی 6.7 ئینجییە لە جۆری Super AMOLED بە ڕوونی +FHD و تێکڕای نوێبوونەوەی 90 هێرتز. ڕووناکی کۆتایی دەگاتە 1,100 نیت و کامێرای سێڵفی لە شێوەی دڵۆپەدایە بە ڕوونی 13 مێگاپێکسڵ.

چیپسێتی نوێی Exynos 1330 لەسەر جێگیر کراوە و کامێرای سەرەکی دواوەی ڕوونی 50 مێگاپێکسڵە و پشتگیریش لە OIS دەکات. کامێرای گۆشە فراوانی 5 مێگاپێکسڵی و ماکرۆی 2 مێگاپێکسڵیشی هەیە.

پاتری مۆبایلەکە 5,000 مللی ئەمپێر/کاتژمێرە و پشتگیری لە بارگاوی کەرەوەی 25 وات دەکات. هەروەها بڕوانامەی IP54 بۆ دژە خۆڵ و تۆز و پرژەی ئاو هەیە.

وەشانی ڕووکاری بەکارهێنەری One UI 7.0 بنچینەکراو لەسەر ئەندرۆید 15 لەسەر جێگیر کراوە و 6 ساڵ نوێکردنەوەی ئەندرۆید و ئاسایشی مانگانەی پێدەگات. نرخی مۆبایلەکە لە ئەورووپا بۆ بیرگەی 128 گێگابایت و ڕامی 4 گێگابایت بریتییە لە 230 یۆرۆ و بۆ بیرگەی 256 گێگابایت و ڕامی 8 گێگابایت بریتییە لە 309 یۆرۆ.

میران ئەبوبەکر

بەڕێوبەری نووسین لە پێگە و ماڵپەڕی کەی ئای تی ئێن، خوێندکاری کۆلێژی پزیشکی دەرمانسازی.