سامسۆنگ لە ڕیکلامێکی نوێدا توانج لە کۆمپانیای ئەپڵ دەدات

سامسۆنگ لە نوێترین ڕیکلامیدا توانج لە کۆمپانیای ئەپڵ دەدات بەهۆی نەبوونی داهێنانی نوێ لە ئایفۆندا و بانگەشە بۆ تایبەتمەندی وەک کامێرای 108 مێگاپێکسڵی و نزیککردنەوەی 100 هێندەیی دەکات کە لە ئایفۆندا بەردەست نین

سامسۆنگ لە ڕیکلامەکەدا بە ئاشکرا دەیەوێت ئەوە بگەیەنێت بەمزووانە ئەو تایبەتمەندییانە و تایبەتمەندی دیکەش لە ئایفۆندا بەردەست نابێت و ئاماژە بەوە دەکات کە نوێترین بەرهەمەکانی Galaxy S22 Ultra و Galaxy Z Flip4 بژاردەیەکی باشتر بن، سامسۆنگ ئەم ڕیکلامەی تەنها 5 ڕۆژ پێش کۆنگرەی داهاتووی ئەپڵ بۆ نمایش کردنی نوێترین بەرهەمەکانی و لە نێویدا زنجیرەی ئایفۆن 14 بڵاو کردەوە

سەرچاوەی ئەم توانجەی سامسۆنگ بریتییە لەو هەواڵانەی کە باس لە گۆڕانکاری گەورە دەکەن لە کامێرای ئایفۆنی نوێدا کە دەڵێن کامێرای 48 مێگاپێکسڵی بە پشتگیری کردنی ڤیدیۆی 8K لە خۆ دەگرێت، سامسۆنگ دەیەوێت ئەوە بگەیەنێت ئەو گۆڕانکارییانە کەمن و هێشتا ناگەن بە گۆڕانکارییەکانی سامسۆنگ لە کامێرای مۆبایلە زیرەکەکان

میران ئەبوبەکر

بەڕێوبەری نووسین لە پێگە و ماڵپەڕی کەی ئای تی ئێن، خوێندکاری کۆلێژی پزیشکی دەرمانسازی.