ئەپڵ ماکبووک پرۆی بە چیپی M5 نوێ کردەوە

ئەپڵ ئەمڕۆ ماکبووک پرۆی 14 ئینجی نوێ کردەوە. ئێستا ماکبووک پرۆ چیپی خێراتری M5 لە خۆ دەگرێت و بیرگەکەی خێراترە. هەروەها ئەپڵ دەڵێت پاترییەکەی بەرگەی 24 کاتژمێر دەگرێت. دیزاینی هاوشێوەی نەوەی پێشوویەتی و نرخی دەستپێکی بریتییە لە 1,599 دۆلار بۆ بیرگەی 512 گێگابایت و ڕامی 16 گێگابایت و CPU دە ناووکی و GPU دە ناووکی.

ئەپڵ دەڵێت ئەم چیپە نوێیە 3.5 هێندە خێراترە لە جێبەجێکردنی ئەرکەکانی زیرەکی دەستکرد بەراورد بە نەوەی پێش خۆی. ئەپڵ دەڵێت 1.6 هێندە توانای گرافیکی ئەم چیپە باشترە بەراورد بە نەوەی پێش خۆی. ئێستا تاوەکو بیرگەی 4 تێرابایت بەردەستە و بیرگەکەی ئێستا خێراترە. هەمان دەرچە و وێبکام و ڕوونما و بڵندگۆی نەوەی پێشووتر لە خۆ دەگرێت.

میران ئەبوبەکر

بەڕێوبەری نووسین لە پێگە و ماڵپەڕی کەی ئای تی ئێن، خوێندکاری کۆلێژی پزیشکی دەرمانسازی.