بەڵگەنامە دزەپێکراوەکانی مایکرۆسۆفت چەند یارییەکی نوێی Bethesda دەردەخات کە لە نێویاندا ڕیماستەری Oblivion بوونی هەیە

پێش ئەوەی بکڕدرێتەوە لە لایەن مایکرۆسۆفت، ZeniMax Media خاوەن کۆمپانیاکانی Bethesda Game Studios و id Software سەرقاڵی ڕیماستەر کردنەوەی یاری The Elder Scrolls IV: Oblivion و Fallout 3 و Doom franchise بوو. ئێستا بەڵگەنامەکانی FTC v. Microsoft کە هی پرێزنتەیشنێکی مانگی 7ی ساڵی 2020 ـە ئاشکرای کردووە Bathesda لە دوای کڕینەوەشی بەردەوام بووە لە نوێکردنەوەی ئەم یاریانە و پێدەچێت لە داهاتوودا یارییەکان ڕابگەیەنرێت. بە پێی خشتەی ئەوکات ئەمە پلانی کۆمپانیاکە بووە:

The Oblivion remaster (وا دانرابوو لە ساڵی 2022 بڵاو بکرێتەوە)

Doom Year Zero and DLC(وا دانراوە ئەمساڵ بڵاو بکرێتەوە)

The Fallout 3 remaster(وا دانراوە ساڵی داهاتوو بڵاو بکرێتەوە)

A sequel to Ghostwire: Tokyo (وا دانراوە ساڵی داهاتوو بڵاو بکرێتەوە)

Dishonored 3 (وا دانراوە ساڵی داهاتوو بڵاو بکرێتەوە).

لەگەڵ هەندێک لە یاری دیکە بە بێ بوونی ناوێکی تایبەت بۆ کۆنسۆڵ و کۆمپیوتەر کە بریتین لە:

The Indiana Jones game(وا دانرابوو لە ساڵی 2022 بڵاو بکرێتەوە)

Project Kestrel (وا دانراوە ئەمساڵ بڵاو بکرێتەوە)

Project Platinum (وادەی بڵاو کردنەوەی ئاشکرا نەکراوە)

لەبیرت بێت ئەم زانیارییانە دەگەڕێنەوە بۆ 3 ساڵ پێش ئێستا و پێدەچێت پاش کڕینی Bathesda لە لایەن مایکرۆسۆفتەوە لە مانگی 3ی ساڵی 2021 پلانەکان گۆڕانکاریان بەسەردا هاتبێت.

هەمان ئەم بەڵگەنامانە ئاماژە بەوەش دەکەن ساڵی داهاتوو مایکرۆسۆفت هەردوو کۆنسۆڵی Xbox Series X و Xbox SeriesS نوێ دەکاتەوە.

میران ئەبوبەکر

بەڕێوبەری نووسین لە پێگە و ماڵپەڕی کەی ئای تی ئێن، خوێندکاری کۆلێژی پزیشکی دەرمانسازی.