لینۆڤۆ هەردوو لاپتۆپی Lenovo Yoga Pro 9i و 9i 2-in-1 نوێ کردەوە

لینۆڤۆ لە لە کۆنگرەی CES 2024 زنجیرە لاپتۆپی Yoga و Ideapad و Lenovo Slim 7i و Lenovo Book 9i نوێ کردەوە.

هەردوو لاپتۆپی Yoga Pro 9i و جۆری 2in1 بە دواین پرۆسێسەرەکانی Intel Core Ultra بەردەست دەبن، جۆری ئاسایی بە Intel Core Ultra 5 و 7 و 9H و جۆری 2in1 بە پرۆسێسەری Core Ultra 7 بەردەست دەبێت. جۆری ئاسایی ڕوونمای لە جۆری IPS و ڕوونی 3.2K و قەبارەی 16 ئینجە. بژاردەی گرافیک کاردی تاکو RTX 4070 بەردەست دەبێت و کێشی لاپتۆپەکە 2.1 کیلۆ گرامە و نرخی لە 1,700 دۆلارەوە دەست پێ دەکات و چاوەڕوان دەکرێت لە مانگی چوار بەردەست بێت بۆ کڕین.

جۆری 2in1 ڕوونماکەی قەبارەی 14 ئینج و ڕوونی 2.8K بە تەکنەلۆژیای Purelight OLED و یان ڕوونی 4K بە تەکنەلۆژیای OLED. پێنووسی زیرەک لە خۆ دەگرێت و بە 360 پلە دەنوشتێتەوە. نرخی دەستپێکی لاپتۆپەکە 1,450 دۆلارە و چاوەڕوان دەکرێت لە مانگی چوار بەردەست بێت بۆ کڕین.

لینۆڤۆ لاپتۆپە دووانە ڕوونماکەشی، Lenovo Book 9i، بە دواین پرۆسێسەرەکانی Intel Core Ultra نوێ کردەوە و ڕوونماکەی ڕوونی 2.8K و نرخی لە 2,000 دۆلارەوە دەست پێ دەکات و چاوەڕوان دەکرێت لە مانگی چوار بەردەست بێت بۆ کڕین.

هەروەها لینۆڤۆ لاپتۆپی Lenovo IdeaPad 5i 2-in-1 نوێ کردەوە. بە قەبارەی 14 و 16 ئینج بەردەست دەبێت و لە جۆری OLED و ڕوونی 2K لە قەبارە گەورەکەدا. نرخی قەبارە بچووکەکە لە 760 دۆلار و نرخی قەبارە گەورەکە لە 810 دۆلارەوە دەست پێ دەکات.

هەردوو لاپتۆپی Lenovo Slim 7i (بە نرخی دەستپێکی 1,050 دۆلار) و Lenovo Slim 7i Pro(نرخی دەستپێکی 1,350 دۆلار) نوێ کرانەوە، بە پرۆسێسەری Intel Core Ultra و AMD Ryzen 7 8845HS بەردەست دەبن لەگەڵ گرافیک کاردی RTX 4050 لەسەر جێگیر دەکرێت. بە هەردوو جۆری ڕوونمای LCD و OLED بەردەست دەبن بە ڕوونی 3K.

موحەمەد نەجات

نوسەری پێشکەوتوو لە ماڵپەڕی کەی ئای تی ئێن، دەرچووی بەشی سیستەمی زانیاری کارگێڕی.