10
مۆبایل و تابلێت 23, تشرینی یه‌كه‌م 2019 بۆچوون

مۆبایلی Meizu 16T بە پڕۆسێسەری Snapdragon 855 و نرخی دەستپێکی 280$ ـەوە ڕاگەیاندرا

لە بۆنەیەکی تایبەتدا، ئەمڕۆ کۆمپانیای Meizu مۆبایلی Meizu 16T ـی بە پڕۆسێسەری Snapdragon 855 و نرخی دەستپێکی 280$ ـەوە ڕاگەیاند.

مۆبایلی Meizu 16T خاوەن ڕوونمایەکە بە قەبارەی 6.5 ئینج لە جۆری Super AMOLED و بە وردی نیشاندانی 1080 بە 2232 پێکسڵ و بە ڕووناکی 430 نیت و هەستەوەری پەنجەمۆر لە ژێر ڕوونماکەیدا جێگیر کراوە. لە پشتەوە خاوەن 3 دانە کامێرایە بە ڕوونییەکانی 12 و 8 و 5 مێگاپێکسڵ و لە پێشەوەش خاوەن کامێرایەکە بە قەبارەی 16 مێگاپێکسڵ. پڕۆسێسەری Snapdragon 855 ـی لەسەر جێگیر کراوە و خاوەن ڕامی 6 و 8 گێگابایتی و بیرگەی 128 و 256 گێگابایتییە. خاوەن پاترییەکە بە توانستی 4,500 ملی ئەمپێر و پشتگیری لە بارگاویکردنەوەی خێرا دەکات بە توانای 18 وات.

گرنگترین تایبەتمەندییەکانی مۆبایلی Meizu 16T:

  • ڕوونماقەبارە: 6.5 ئینج. جۆر: Super AMOLED. وردی نیشاندان: 1080 بە 2232 پێکسڵ. ڕووناکی: 430 نیت.
  • دیزایننۆچ: هەیە. چاڵی ژێر ڕوونما: نییە.
  • پڕۆسێسەر: Snapdragon 855.
  • گرافیک: Adreno 640.
  • ڕام: 6 و 8 گێگابایت.
  • بیرگە: 128 و 256 گێگابایت.
  • ئەستووری: 8.3 میلیمەتر.
  • کێش: 183 گرام.
  • پاتری: 4,500 ملی ئەمپێر/کاتژمێر.
  • بارگاویکردنەوە: پشتگیری لە بارگاویکەرەوەی خێرا بە توانای 18 وات.
  • کامێرای پشتەوەسەرەکی: 12 مێگاپێکسڵ بە تیرەی f/1.9 و لە جۆری Wide. دووەم: 8 مێگاپێکسڵ بە تیرەی f/2.2 و لە جۆری Ultra Wide. سێیەم: 5 مێگاپێکسڵ بە تیرەی f/1.9 و لە جۆری Wide.
  • کامێرای پێشەوە(سێڵفی): یەکەم: 16 مێگاپێکسڵ بە تیرەی f/2.2.
  • هەستەوەری ئاسایشی: هەستەوەری پەنجەمۆری ژێر ڕوونما.
  • دەرچە: USB-C.
  • ڕایەڵە: LTE – Wi-Fi 802.11 a/b/g/n/ac – dual-band – Wi-Fi Direct – hotspot – Bluetooth 5.0. تایبەتمەندی NFC: هەیە. تایبەتمەندی Radio: نییە.
  • سیمکارت: دوانە سیمکارت.
  • ڕەنگ: شین – سەوز – پڕتەقاڵی.
  • سیستەمی کارپێکەر: ڕووکاری Flyme 8 (بنچینەکراو لەسەر Android 9 Pie).
  • حاڵەتی بەردەستبوون: بەردەستە.
  • نرخ: دەست پێدەکات لە 280$.

نرخی مۆبایلی Meizu 16T لە 280$ ـەوە دەستپێدەکات و بەرزترین نرخی 350$ ـە. لە ئێستادا لە بازاڕەکانی وڵاتی چیندا بەردەستە.

سەرچاوە GSMArena
بۆچونی تۆ