لە سەرەتادا تەنها 22 یاری لە خزمەتگوزاری Google Stadia ـدا بەردەست دەکرێت

وا بڕیارە سبەینێ (19-11) کۆمپانیای گووگڵ خزمەتگوزاری Google Stadia ـی تایبەت بە یاریکردن لە ژمارەیەک وڵاتی دیاریکراودا بەردەست بکات.

هاوشێوەی زۆرینەی سەکۆ و خزمەتگوزارییەکان کە لە یەکەم ساتی بەردەستکردنیان بە ژمارەیەکی کەمی یارییەوە بەردەست کرابوون، خزمەتگوزاری Google Stadia ـیش لە سەرەتادا بە ژمارەیەکی کەمی یارییەوە بەردەست دەکرێت. یارییەکان ژمارەیان 22 دانە دەبن و گووگڵ لیستی سەرجەم یارییەکانیشی بڵاوکردەوە، گرنگترین یاری لە لیستەکەدا، یاری Red Dead Redemption 2 ـە:

• Assassin’s Creed Odyssey
• Destiny 2: The Collection
• GYLT
• Just Dance 2020
• Kine
• Mortal Kombat 11
• Red Dead Redemption 2
• Thumper
• Tomb Raider: Definitive Edition
• Rise of the Tomb Raider
• Shadow of the Tomb Raider: Definitive Edition
• Samurai Shodown
• Attack on Titan: Final Battle 2
• Farming Simulator 2019
• Final Fantasy XV
• Football Manager 2020
• Grid 2019
• Metro Exodus
• NBA 2K20
• Rage 2
• Trials Risin
• Wolfenstein: Youngblood

وەک پێشووتر، گووگڵ بەڵێنی ئەوە دەدات کە بە پێی کات یاری زیاتر بۆ نێو خزمەتگوزارییەکە زیاد بکات.

وا بڕیارە سبەینێ خزمەتگوزارییەکە لە 14 وڵاتی جیاوازدا بەردەست بکرێت و نرخی بەژداریکردن 9.99$ دەبێت بۆ هەر مانگێک. هاوکات خاوەن ڕەقەکاڵای تایبەت بە خۆی وەکو کۆنتڕۆڵی یاریکردن و زیاتر دەبێت.

ماکوان بەرزان

خوێندکاری پەیمانگەی کۆمپیوتەرم، لە پاڵ ئەوەشدا پڕۆگرامەرم و لێرەش بەڕێوەبەری نووسین و نووسەرم تاوەکو دواین هەواڵ و زانیاری و وردەکارییەکانی پەیوەندیدار بە تەکنەلۆژیا بخەمە بەردەستی خوێنەر.