ئەپڵ دەستیکرد بە فرۆشتنی تایەکانی Mac Pro بە نرخی 699$ و پێچکەکانیشی بە 299$

ئەپڵ لەمەودوا بەشێک لە پارچەکانی کۆمپیوتەری گرانبەهای Mac Pro بە شێوەی تاقم و بە جیا دەفرۆشێت، بۆ یەکەمجار پێگەی 9To5Mac درکی بەمە کرد.

تاقمەکان پێکهاتوون لە تایە و پێچکەکانی ژێری کۆمپیوتەرەکە. نرخی تایەکان 699$ ـە، کە بەو نرخە 4 دانە تایەی ستیلی بێخەوش بۆ ژێری کۆمپیوتەرەکە بەدەست دەهێنیت. بەڵام نرخی ئەم تایانە کە ڕاستەوخۆ لەگەڵ Mac Pro دەیانکڕیت، 399$ ـە و بە جیا 399$ ـی دەچێتە سەر نرخەکەی.

هەرچی دەربارەی تاقمی پێچکەکانی ژێریشیەتی، نرخی 299$ ـە و بە هەمان شێوە 4 دانە پێچکەی ستیلی بێخەوش بەدەست دەهێنیت.

ئەپڵ پێچکەکان بە “پارچەی پێویست” ناو دەبات و پێشنیاز بۆ خاوەن کۆمپیوتەرەکانی Mac Pro دەکات تاوەکو بیکڕن و کۆمپیوتەرەکانیانی پێ بپارێزن.

لە ئەمڕۆوە هەردوو تاقمەکە بەردەست دەبن بۆ کڕین.

ماکوان بەرزان

نووسەری پێشکەوتوو لە Kitn لە ٢٠١٨ ـەوە. ئەندازیاری iOS لە Gateway. خوێندکاری ئەندازیاریی ئایتی لە زانکۆی پۆلیتەکنیکی سلێمانی.