ئەپڵ 15, ئه‌یلول 2020

ئەپڵ خزمەتگوزاری ڕاهێنانی +Apple Fitness ـی بۆ خاوەن کاتژمێرە زیرەکەکانی Apple Watch ڕاگەیاند

ئەمڕۆ کۆمپانیای ئەپڵ خزمەتگوزاری ڕاهێنانی +Apple Fitness ـی بۆ خاوەن کاتژمێرە زیرەکەکانی Apple Watch ڕاگەیاند.

خزمەتگوزاری +Apple Fitness تایبەتە بە ڕاهێنانی خەیاڵی بۆ خاوەن کاتژمێرە زیرەکەکانی Apple Watch، کە بە ئەپی Fitness لە ئایفۆندا دەلکێندرێت. ئەم خزمەتگوزارییە بە خۆڕایی نییە، بەڵکو خاوەن نرخی بەژداری مانگانەی 9.99$ و ساڵانەی 79.99$ ـە.

بەکارهێنەران بە هۆی ئەم خزمەتگوزارییەوە دەتوانن ڕاهێنانە وەرزشییەکان ببینن کە لە لایەن ئەپڵەوە دابین دەکرێن. زانیارییەکان لە ئەپی Health ـدا زەخیرە دەکرێن. خزمەتگوزاری +Apple Fitness خاوەن ژمارەیەک وەرزشی نوێیە، لەوانە یۆگا.

ئەپڵ دەڵێت هەفتانە ڕاهێنانی وەرزشی بۆ خزمەتگوزارییەکە زیاد دەکات، ڕاهێنانەکان ژمارەیەک میوزیکی تایبەت لەخۆ دەگرن.

خزمەتگوزاری +Apple Fitness لە ناو ئەپی Fitness ـدا جێگیر دەکرێت لە ئایفۆنە کارکردووەکانی سەر iOS 14 و نوێتردا. هەروەها بۆ Apple TV ـیش بەردەست دەکرێت.

خزمەتگوزارییەکە لە کۆتاییەکانی ئەمساڵدا بەردەست دەکرێت.

بۆچونی تۆ