ئەپڵ 30, ئایار 2022

ئەپڵ هەنگاوێک لە بچووک کردنەوەی قەبارەی چیپسێتی ئایفۆن دوادەکەوێت

 

بە پێی وتەی دزەپێکەر Kuo بێت کە دزەپێکەرێکی بەناوبانگی بەرهەمەکانی ئەپڵە، ئەپڵ لە پرۆسێسەری Apple A16 دووبارە قەبارەی 5 نانۆمەتری TSMC بەکار دەهێنێتەوە و لەسەر مۆدێلە پرۆکانی ئایفۆن 14 جێگیری دەکات و هاوشێوەی ڕکابەرەکانی لە مۆبایلەکانی ئەندرۆید قەبارەی چیپسێتەکە بۆ 4 نانۆمەتر بچووک ناکاتەوە، ئەمەش بە پێی وتەی سەرچاوە جیاوازەکان بێت بۆ گەرم بوونی زۆری مۆبایلەکانی ئەندرۆید بەو قەبارەی چیپسێتەوە دەگەڕێتەوە، کە لەگەڵ بچووک کردنەوەی قەبارەی چیپسێتەکان بۆ 4 نانۆمەتر و بە تایبەتیش چیپسێتی Snapdragon 8 Gen 1 بەو قەبارەیەوە زۆرینەی مۆبایلەکان تووشی گەرم داهاتن بوون

 

بەڵام دزەپێکەرەکە ئەوەشی ئاشکرا کرد ئەپڵ لە پرۆسێسەری Apple M2 بازدانێک ئەنجام دەدات، پرۆسێسەرەکە ساڵی داهاتوو بڵاو دەکاتەوە و بە بناغەی 3 نانۆمەتری دەبێت لە جیاتی 5 نانۆمەتری و 4 نانۆمەتری و لەسەر ماکەکان جێگیری دەکات

سەرچاوە Gizmo China
تاگەکان Apple ئەپڵ
بۆچونی تۆ