90 ڤیدیۆ لە یاری GTA VI دزەی پێ کرا

ئەم دوا نیوەڕۆیە تەواوی گەیمەران شۆک کران!، 90 ڤیدیۆ لە یاری GTA VI بە قەبارەی 3 گێگابایت بڵاو کرایەوە و دزەی پێ کرا، پێگەی PC Gamers ئەم هەواڵەی پشت ڕاست کردەوە، تاوەکو ئێستا دیار نییە چۆن ئەم ڤیدیۆیانە و زانیارییەکان دزەیان پێ کراوە، بەڵام گوایە کارمەندێکی ڕۆکستار خۆی ئەم کارەی ئەنجام داوە، هەروەها دەگوترێت زانیاری زیاتر و پێدەچێت Source Code یارییەکەش دزەی پێ بکرێت

دزەپێکردنە لەگەڵ وەسفی پێشووتری یارییەکە یەک دەگرێتەوە، وەک ئەوەی کە باس کرابوو یاری بە کارەکتەری ئافرەت دەکرێت، ئەم ڤیدیۆیانە ئێستا لە تۆڕی تویتەر و یوتیوب و Reddit و تەواوی سەکۆکانی دیکە بڵاو دەکرێنەوە، بە پێی زانیارییەکان یارییەکە زیاتر لە دوو ساڵی ماوە تاوەکو بڵاو بکرێتەوە و ئەم کلیپە دزەپێکراوانە پێدەچێت سەرەتای پەرەپێدانی یارییەکە بێت

https://twitter.com/TheAgentJones/status/1571376260642930688?ref_src=twsrc%5Etfw%7Ctwcamp%5Etweetembed%7Ctwterm%5E1571376260642930688%7Ctwgr%5E09dd3ff12c4dfa289688235837ee9b549530bd3f%7Ctwcon%5Es1_c10&ref_url=https%3A%2F%2Fwww.somagnews.com%2Fthe-first-in-game-videos-for-gta-vi-are-allegedly-leaked%2F

ئەمە یەکەمین جار نییە زانیاری گەورە و زەبەلاح لەسەر یارییەکانی ڕۆکستار دزەی پێ بکرێت، پێشووتریش زانیاری زۆر ورد و درشت لەسەر یاری Red Dead Redemption 2 بڵاو کرایەوە پێش نمایش کردنی و دواتر بە پارە پێگەکان قایل کران بە سڕینەوەی

میران ئەبوبەکر

بەڕێوبەری نووسین لە پێگە و ماڵپەڕی کەی ئای تی ئێن، خوێندکاری کۆلێژی پزیشکی دەرمانسازی.