زنجیرە مۆبایلی Relame 11 نمایش کرا؛ جۆری پرۆ پڵەس کامێرای 200 مێگاپیکسڵی لە خۆ دەگرێت

بەفەرمی ڕیەڵمی زنجیرەی Realme 11 نمایش کرد، کە لە سێ مۆبایل پێکدێت، جۆری ئاسایی و پرۆ و پرۆ پڵەس.

+Realme 11 Pro

سەرنجی سەرەکی ڕیەڵمی لەسەر ئەم مۆبایلە کامێرای 200 مێگاپیکسڵی بوو، کامێرای سەرەکی دواوە بە ڕوونی 200 مێگاپیکسڵە بە هەستەوەری Samsung HP3 پشتگیری لە OIS دەکات و خاوەندارێتی لە تایبەتمەندی Super night Scape و Moon Mode و Starry Mode Pro دەکات و توانای هەیە بە ڕوونی 4K ڤیدیۆ تۆمار بکات. دوو کامێراکەی دیکەش بە ڕوونی 8 مێگاپیکسڵ بۆ گۆشە فراوان و 2 مێگاپیکسڵیش بۆ ماکرۆ.

بژاردەی ڕەنگە سەوزەکەی بە چەرم دروستکراوە، ڕوونماکەی قەبارەی 6.7 ئینجە لە جۆری AMOLED بە ڕوونی +FHD و بە تێکڕایی نوێ بوونەوەی 120 هێرتز، کامێرای سێڵفیش بە ڕوونی 32 مێگاپیکسڵ و هەستەوەری پەنجە مۆر لە ژێر ڕوونماکەی جێگیر کراوە.

چیپسێتی Dimensity 7050 لەسەر جێگیر کراوە و بە بە بژاردەی ڕامی تاوەکو 12 گێگابایت و بیرگەی 1 تێرابایت بەدەست دەبێت. پاترییەکی قەبارەی 5,000 مللی ئەمپێر/ کاتژمێرییە بە بارگاوی کەرەوەی 100 وات.

نرخی دەستپێکی مۆبایلەکە 289 دۆلار دەبێت بۆ بیرگەی 256 گێگابایت.

Realme 11 Pro

دووەم باشترین مۆبایلە لە زنجیرەکەدا، کامێرای سەرەکی بە ڕوونی 100 مێگاپیکسڵ و پشتگیری کردن لە OIS و تۆمارکردنی ڤیدیۆ بە ڕوونی 4K لە خۆ دەگرێت، هەروەها کامێرای ماکرۆ بە ڕوونی 2 مێگاپیکسڵ، ڕوونی کامێرای سێڵفیش 16 مێگاپیکسڵە.

ڕوونمای مۆبایلەکە لەجۆری OLED بە قەبارەی 6.7 ئینج بە ڕوونی +FHD و تێکڕای نوێ بوونەوەی 120 هێرتز و تێکڕای دەست لێدانی 360 هێرتز، پشتگیری لە +HDR10 و DCI-P3 دەکات.

بە هەمان شێوەی جۆری پرۆ پڵەس چیپسێتی Dimensity 7050 لەسەر جێگیر کراوە. پاترییەکەی قەبارەی 5,000 مللی ئەمپێر/ کاتژمێرییە بە بارگاوی کەرەوەی 67 وات. نرخی دەستپێکی مۆبایلەکە 259 دۆلار دەبێت بۆ ڕامی 8 گێگابایت و بیرگەی 256 گێگابایت.

Realme 11

بچوکترین مۆبایلە لە زنجیرەەکەدا، قەبارەی ڕوونماکەی 6.43 ئینجە لە جۆری AMOLED و بەڕوونی +FHD و تێکرایی نوێ بوونەوەی 90 هێرتز و تێکرایی دەست لێدانی 180 هێرتز.

لەبەشی پشتەوە دوو کامێرا لە خۆ دەگرێت، کامێرای سەرەکی بە ڕوونی 64 مێگاپیکسڵ و بە پشتگیری کردن لە OIS و 2 مێگاپیکسڵیش بۆ ماکرۆ، ڕوونی کامێرای سێڵفیش 8 مێگاپیکسڵە. چیپسێتی Dimensity 6020 لەسەر جێگیر کراوە.

پاترییەکی قەبارەی 5,000 مللی ئەمپێر/ کاتژمێرییە بە بارگاوی کەرەوەی 33 وات. نرخی دەستپێکی مۆبایلەکە 230 دۆلار دەبێت بۆ ڕامی 8 گێگابایت و بیرگەی 256 گێگابایت.

موحەمەد نەجات

نوسەری پێشکەوتوو لە ماڵپەڕی کەی ئای تی ئێن، دەرچووی بەشی سیستەمی زانیاری کارگێڕی.