مۆبایلی Honor 90 Lite بە چیپسێتی Dimensity 6020 و کامێرای 100 مێگاپیکسڵی نمایش کرا

ئۆنەر مانگی ڕابردوو زنجیرە مۆبایلی Honor 90ـی نمایش کرد، ئەمرۆش بە مۆبایلی Honor 90 Lite زنجیرەکەی نوێکردەوە.

بە چیپسێتی Dimensity 6020 بەهێز کراوە، بە ڕامی 8 گێگابایت و بیرگەی 256 گێگابایت بەردەست دەخرێت.

ڕوونماکەی 6.7 ئینجە لەجۆری LCD بەڕوونی +FHD و تێکرای نوێ بوونەوەی 90 هێرتز. کامێرای سێڵفی لە چاڵی ڕوونما جێگیر کراوە و ڕوونییەکەی 16 مێگاپیکسڵە.

کامێرای سەرەکی بە ڕوونی 100 مێگاپیکسڵ و کامێرای گۆشە فراوان بە ڕوونی 5 مێگاپیکسڵ لە خۆ دەگرێت. پاترییەکی 4,500 مللی ئەمپێر / کاتژمێری لە خۆ دەگرێت بە بارگاوی کەرەوەی 35 وات. ئێستا مۆبایلەکە بە نرخی 300 یۆرۆ لە ئەوروپا بەردەستە بۆ کڕین.

موحەمەد نەجات

نوسەری پێشکەوتوو لە ماڵپەڕی کەی ئای تی ئێن، دەرچووی بەشی سیستەمی زانیاری کارگێڕی.