سۆنی
23, حوزهیران 2023
سۆنی بۆ چەندین ساڵی دیکەش بەردەوام دەبێت لە پیشەسازی مۆبایلی زیرەکدا
سۆنی لەم دواییانەدا چەند مۆبایلێکی زیرەکی سەرنجڕاکێشی ئاست بەرزی نمایش کردووە، بەڵام زۆری لێ نەفرۆشتوون. لەوانەیە پرسیار بکەیت کە ئایا کۆمپانیای ژاپۆنییەکە بڕیار دەدات زیانەکانی کەم بکاتەوە و بە تەواوی لە بازرگانی مۆبایلە زیرەکەکان دەربچێت؟ شوێنپێی کۆمپانیایەکی وەک LG بکەوێت؟
وەڵامەکە نەخێرە. سۆنی بۆ چەند ساڵێکی تریش بەردەوام دەبێت لە دروستکردنی مۆبایلە زیرەکەکانی ئەندرۆید. ئەم هەواڵەش لە سەرچاوەیەکی تاڕادەیەک دوور لە کۆمپانیاکە هاتووە، کە بریتییە لە کۆمپانیای کواڵکۆم.
کۆمپانیای کواڵکۆم ئەمڕۆ لە بەیاننامەیەکی نوێدا ڕایگەیاند کە گرێبەستی لەگەڵ کۆمپانیای سۆنی درێژکردووەتەوە بۆ دابین کردنی چیپسێت بۆ مۆبایلە زیرەکەکانی داهاتووی کۆمپانیا ژاپۆنییەکە. ئەمە گرێبەستێکی “چەند ساڵە”یە، و ئامێرە پریمییەم و ئاست بەرز و ناوەندەکانیش دەگرێتەوە.
میران ئەبوبەکر
بەڕێوبەری نووسین لە پێگە و ماڵپەڕی کەی ئای تی ئێن، خوێندکاری کۆلێژی پزیشکی دەرمانسازی.
