بە فەرمی چیپسێتی Mediatek Dimensity 7200 Ultra نمایش کرا

میدیاتێک چیپسێتی MediaTek Dimensity 7200 Ultraی لە چین نمایش کرد.

چیپسێتەکە چیپسێتێکی ئاست مامناوەندی نزیک ئاست بەرزە، قەبارەی 4 نانۆمەترییە.

8 ناووک لە خۆ دەگرێت، 2 دانەیان لە جۆری Cortex-A715 بە خێرایی 2.8 گێگاهێرتز، لەگەڵ 6 دانە لە جۆری Cortex-A510 کە خێراییەکەی ئاشکرا نەکراوە.

گرافیکی Arm Mali-G610 لەسەر جێگیر کراوە و پشتگیری لە کامێرای 200 مێگاپێکسڵی و تۆمار کردنی ڤیدیۆی 4K HDR دەکات.

هەروەها پشتگیری لە جۆری ڕامی LPDDR5x و بیرگەی UFS 3.1 دەکات.

یەکەمین مۆبایل لە جیهاندا کە ئەم چیپسێتەی لەسەر جێگیر بکرێت بریتی دەبێت لە Redmi Note 13 Pro Plus و لەم مانگەدا نمایش دەکرێت.

میران ئەبوبەکر

بەڕێوبەری نووسین لە پێگە و ماڵپەڕی کەی ئای تی ئێن، خوێندکاری کۆلێژی پزیشکی دەرمانسازی.