بەفەرمی مۆبایلی Huawei Nova 11 SE نمایش کرا

هواوەی بە بێدەنگی تایبەتمەندییەکانی مۆبایلی Huawei Nova 11 SE بڵاو کردەوە. قەبارەی ڕوونماکەی 6.67 ئینجە لە جۆری OLED و ڕوونی +FHD و تێکرایی نوێ بوونەوەی 90 هێرتز. کامێرای سێڵفی لە چاڵی ڕوونما جێگیر کراوە بە ڕوونی 32 مێگاپیکسڵ.

بەچیسسێتی Snapdragon 680 کار دەکات. پاترییەکەی قەبارەی 4,500 مللی ئەمپێر / کاتژمێرییە بە بارگاوی کەرەوەی 66 وات کە توانای هەیە تەواوی پاترییەکە لە 32 خولەک بارگاوی بکاتەوە. پشتگیری لە NFC دەکات و هەستەوەری پەنجەمۆر لە ژێر ڕوونما جێگیر کراوە.

نرخی دەستپێکی مۆبایلەکە بریتییە لە 273 دۆلار بۆ بیرگەی 256 گێگابایت و نرخی 300 دۆلار بۆ بیرگەی 512 گێگابایت.

موحەمەد نەجات

نوسەری پێشکەوتوو لە ماڵپەڕی کەی ئای تی ئێن، دەرچووی بەشی سیستەمی زانیاری کارگێڕی.