مایکرۆسۆفت چاتبۆتی Copilot بە نوێترین وەشانی GPT نوێ دەکاتەوە

مایکرۆسۆفت ڕایگەیاند بەم زووانە کۆمەڵێک تایبەتمەندی نوێ بۆ چاتبۆتی Copilot زیاد دەکرێت، وەک، پشتگیری کردن لە GPT-4 Turbo، نوێکردنەوەی مۆدێلی DALL-E 3، چەند تایبەتمەندییەک تایبەت بۆ کۆد…هتد.

بەم زووانە چاتبۆتی Copilot لە ڕێگەی مۆدێلی GPT-4 Turbo باشتر لە پرسیارەکان تێدەگات و وەڵامت دەداتەوە، هەورەها وەڵامەکان گشتگیرتر و باشتر دەبن لە ڕابردوو. ئێستا بۆ هەندێک لە بەکارهێنەران بەردەستە و هەفتەی داهاتوو بۆ هەمووان بەردەست دەبێت.

ئێستا لە ڕێگای وەشانی نوێی DALL-E 3 دەتوانیت وێنەی باشتر و ڕوونی بەرزتر دروست بکەیت. هەروەها بەکارهێنەران دەتوانن هەر لە Sidebar وێبگەڕی Edge کە چاتبۆتەکەی تێدا جێگیر کراوە، پەڕەکانی ئینتەرنێت و ڤیدیۆکانی یوتیوب کورت بکاتەوە.
مایکرۆسۆفت ئەو کەسانەشی لەبیر نەکردووە کە کۆد دەنوسن یان پەرەپێدەرن، ئێستا چاتبۆتەکە دەتوانێت بە شێوەیەکی باشتر کردارەکانی Calculation و Data Analysis ئەنجام بدات.

موحەمەد نەجات

نوسەری پێشکەوتوو لە ماڵپەڕی کەی ئای تی ئێن، دەرچووی بەشی سیستەمی زانیاری کارگێڕی.