بەفەرمی مۆبایلی Moto G34 5G بە ڕوونمای 120 هێرتز نمایش کرا

کۆمپانیای مۆتۆڕۆلا بە بێدەنگی لە چین مۆبایلی Moto G34 5G نمایش کرد. ڕوونماکەی قەبارەی 6.5 ئینجە و لە جۆری LCD و ڕوونی +HD و تێکڕایی نوێ بوونەوەی 120 هێرتز. دووانە بڵندگۆ لە خۆ دەگرێت و پشتگیری لە Dolby Atmos دەکات.

چیپسێتی Snapdragon 695 لەسەر جێگیر کراوە و بە ڕامی جۆری LPDDR4x و بیرگەی UFS 2.2ــە. پاترییەکەی قەبارەی 5,000 مللی ئەمپێر / کاتژمێرییە بە بارگاوی کەرەوەی 18 وات. کامێرای سەرەکی ڕوونی 50 مێگاپیسکڵە و کامێرای ماکرۆ ڕوونی 2 مێگاپیسکڵە و 16 مێگاپیسکڵی سێڵفیش. نرخی مۆبایلەکە بۆ ڕامی 8 گێگابایت و بیرگەی 128 گێگابایت بریتییە لە 140 دۆلار.

موحەمەد نەجات

نوسەری پێشکەوتوو لە ماڵپەڕی کەی ئای تی ئێن، دەرچووی بەشی سیستەمی زانیاری کارگێڕی.