بەفەرمی مۆبایلی Poco M6 Pro بە ڕوونمای 120 هێرتز نمایش کرا

شاومی لە مانگی هەشتی ساڵی ڕابردوو جۆری 5G مۆبایلی Poco M6 Pro نمایش کرد، ئەمڕۆش جۆری 4G بۆ بازاڕەکانی جیهان نمایش کرد. مۆبایلەکە چیپسێتی Helio G99-Ultra لەسەر جێگیر کراوە و سیستەمی HyperOS کار دەکات.

ڕوونماکەی لە جۆری AMOLED و تێکڕایی نوێ بوونەوەی 120 هێرتزە و قەبارەی 6.67 ئینجە و ڕوونی +FHD. ڕوونماکەی بە پارێزەری Gorilla Glass 5 ڕووپۆش کراوە و پەنجەمۆری ژێر ڕوونما لە خۆ دەگرێت. کامێرای سێڵفییەکەی 16 مێگاپیکسڵە.

لە بەشی پشتەوەی، کامێرای سەرەکی ڕوونی 64 مێگاپیسکڵە و کامێرای گۆشە فراوان ڕوونی 8 مێگاپیسکڵە و ماکرۆیەکی 2 مێگاپیسکڵی لە خۆ دەگرێت. پاترییەکی 5,000 مللی ئەمپێر / کاتژمێری بە بارگاوی کەرەوەی 67 وات لە خۆ دەگرێت و بڕوانامەی IP 54 هەیە. تاکو ئێستا کاتی بەردەست بوون و نرخی مۆبایلەکە ئاشکرا نەکراوە.

موحەمەد نەجات

نوسەری پێشکەوتوو لە ماڵپەڕی کەی ئای تی ئێن، دەرچووی بەشی سیستەمی زانیاری کارگێڕی.