ڕیەلمی مۆبایلێکی نوێی زیرەکی بە نرخی 65 دۆلار نمایش کرد

ڕیەلمی زنجیرە مۆبایلێکی نوێی بە ناوی نۆوت نمایش کرد و یەکەمین بەرهەمی ئەو زنجیرەیە ناوی ڕیەلمی نۆوت 50 ـیە. ڕوونمایەکی قەبارە 6.74 ئینج لە جۆری IPS LCD بە ڕوونی +HD و تێکڕای نوێبوونەوەی 90 هێرتز لە خۆ دەگرێت و ڕووناکی کۆتایی دەگاتە 560 نیت، هەروەها کامێرای سێڵفی ڕوونی 5 مێگاپێکسڵە.

چیپسێتی Unisoc T612 لەسەر جێگیر کراوە و کامێرای سەرەکی دواوەی ڕوونی 13 مێگاپێکسڵە. پاترییەکی قەبارە 5,000 مللی ئەمپێر/کاتژمێری بە بارگاوی کەرەوەی 10 واتی هەیە. بڕوانامەی IP54ی بۆ دژە پرشەی ئاو بەدەست هێناوە.

نرخی مۆبایلەکە لە فلیپین لە 65 دۆلارەوە دەست پێدەکات.

میران ئەبوبەکر

بەڕێوبەری نووسین لە پێگە و ماڵپەڕی کەی ئای تی ئێن، خوێندکاری کۆلێژی پزیشکی دەرمانسازی.