سامسۆنگ بیرگەی هەوری بۆ ماوەیەکی کاتی دەدات بەو کەسانەی کە مۆبایلەکانیان چاک دەکەنەوە یان دەگۆڕن

سامسۆنگ ڕایگەیاند کە دەستی کردووە بە بەردەست خستنی تایبەتمەندی Temporary Cloud Backup بۆ ئەو مۆبایل و تابلێتانەی کە کار بە ڕووکاری بەکارهێنەری One UI 6 دەکەن. تایبەتمەندییەکە ڕێگە بە بەکارهێنەران دەدات بە شێوەیەکی بێسنوور و و خۆڕایی تاکو 30 ڕۆژ فایل و ڤیدیۆ و وێنە بار بکەنە بیرگەی هەوری کە سامسۆنگ بەردەستی دەخات. بەڵام نابێت قەبارەی هەر فایلێک لە 100 گێگابایت زیاتر بێت. هەروەها لە پێش کۆتایی هاتنی 30 ڕۆژەکە ئاگادار دەکرێیتەوە کە داتاکانت بگەڕێنیتەوە پێش سڕینەوەیان.
تایبەتمەندییەکە پڕۆسەی فۆرمات کردن یاخود گۆڕینی ئامێرەکان ئاسانتر دەکات کە زۆر جار پێویستە داتاکانت بگوازیتەوە شوێنێکی دیکە. هەروەها سامسۆنگ پڕۆسەی گێڕانەوەی داتاکانی کردووە بە بەشێک لە پڕۆسەی Samsung’s Wizard Setup لە کاتی دامەزراندنی ئامێرە تازەکان.

موحەمەد نەجات

نوسەری پێشکەوتوو لە ماڵپەڕی کەی ئای تی ئێن، دەرچووی بەشی سیستەمی زانیاری کارگێڕی.