مۆبایلی گالەکسی A56 بە 6 ساڵ پشتگیری و دیزاینی نوێوە نمایش کرا (نرخی عێراق زیادکرا)

سامسۆنگ مۆبایلی Galaxy A56 نمایش کرد، کە پشتگیری لە بارگاوی کەرەوەی 45 وات دەکات. تایبەتمەندییە نوێیەکانی تری بریتییە لە چیپسێتی Exynos 1580 و ڕوونمایەکی گەورەتری 6.7 ئینجی AMOLED لەگەڵ چوارچێوەیەکی تەنکتر و بچووکتر لە هەر چوار لای مۆبایلەکەوە. ڕووناکی کۆتایی دەگاتە 1,900 نیت. کامێراکانی نەگۆڕاون و كامێرای سەرەکی دواوەی ڕوونی 50 مێگاپێکسڵە و کامێرای گۆشە فراوانی 12 مێگاپێکسڵە و ماکرۆی 5 مێگاپێکسڵیشی هەیە، هەروەها کامێرای سێڵفی 12 مێگاپێکسڵە.

پاترییەکی قەبارە 5,000 مللی ئەمپێر/کاتژمێری بە بارگاوی کەرەوەی 45 واتی هەیە.

وەشانی ڕووکاری بەکارهێنەری One UI 7.0 بنچینەکراو لەسەر ئەندرۆید 15ی لەسەر جێگیر کراوە و 6 ساڵ نوێکردنەوەی ئەندرۆید و ئاسایشی مانگانەی پێدەگات. بڕوانامەی IP67 بۆ دژە ئاو و خۆڵ و تۆز هەیە.

بە چوار ڕەنگی جیاواز بەردەست دەبێت و نرخی دەستپێکی 499 دۆلارە بۆ بیرگەی 128 گێگابایت و ڕامی 8 گێگابایت.

نوێکردنەوە لە ڕێکەوتی ١٠-٥-٢٠٢٥ – نرخی Galaxy A56 لە عێراق و کوردستان:

Galaxy A56 12/256 GB = 548،000

Galaxy A56 8/256 GB = 502،000

Galaxy A56 8/128 GB = 469،000

میران ئەبوبەکر

بەڕێوبەری نووسین لە پێگە و ماڵپەڕی کەی ئای تی ئێن، خوێندکاری کۆلێژی پزیشکی دەرمانسازی.