ئینفنێکس جۆری پرۆ پڵەسی لە مۆبایلی نۆوت 50 نمایش کرد

پاش نمایش کردنی جۆری پرۆ، ئینفنێکس مۆبایلی Note 50 Pro Plus نمایش کرد. پشتگیری لە تۆڕی نەوەی پێنجەم دەکات و یاریدەدەرێکی کەسی بە زیرەکی دەستکرد بەهێز کراوی بە ناوی Folax هەیە، ئەم یاریدەدەرە چەندین تایبەتمەندی وەک توانای ناسینەوەی ناوەڕۆکی سەر ڕوونما و وەرگێڕانی خێرا و زیاتریش لە خۆ دەگرێت.

ڕوونماکەی قەبارەی 6.78 ئینجە لە جۆری AMOLED بە تێکڕای نوێبوونەوەی 144 هێرتز. پاترییەکەی قەبارەی 5,200 مللی ئەمپێر/کاتژمێرە و پشتگیری لە بارگاوی کەرەوەی 100 واتی وایەر و 50 واتی بێتەل دەکات. هەروەها چیپسێتی Dimensity 8350 لەسەر جێگیر کراوە.

کامێرای سەرەکی دواوەی ڕوونی 50 مێگاپێکسڵە و کامێرای تێلەفۆتۆی بە هەستەوەری Sony IMX896 بۆ 3 هێندە نزیککردنەوەی ئۆپتیکاڵ و 100 هێندە نزیککردنەوەی دیجیتاڵ هەیە.

مۆبایلەکە هەستەوەرێکی تایبەتی هەیە کە ماوەی چەند ساڵێکە بوونی نەماوە لە مۆبایلە زیرەکەکاندا، ئەویش هەستەوەری چاودێری کردنی لێدانی دڵ و ئۆکسجینی ناو خوێنە. بە 3 ڕەنگی جیاواز بەردەست دەبێت و نرخی بۆ بیرگەی 256 گێگابایت و ڕامی 12 گێگابایت بریتییە لە 370 دۆلار لە هەندێک لە وڵاتانی جیهان. تاوەکو ئێستا نرخ و کاتی بەردەست بوونی بۆ هەرێمی کوردستان ئاشکرا نەکراوە.

میران ئەبوبەکر

بەڕێوبەری نووسین لە پێگە و ماڵپەڕی کەی ئای تی ئێن، خوێندکاری کۆلێژی پزیشکی دەرمانسازی.