گووگڵ خەونی گەشەپێدەران دەکاتە ڕاستی

گووگڵ ئامرازێکی نوێی بە زیرەکی دەستکرد بەهێز کراو بە ناوی “Stitch” بەردەست دەخات کە بە مۆدێلی Gemini 2.5 Pro بەهێز کراوە و لە ڕێگەیەوە یارمەتی گەشەپێدەران دەدات لە گۆڕینی دەق و وێنە بۆ دیزاینی ڕووکاری ئاڵۆز (Complex UI design) و front-end code لە ماوەی چەند خولەکێکدا. لە ئێستادا ئەم تایبەتمەندییە لە ژێر تاقیکردنەوە دایە و تەنها لە Google Labs بەردەستە.

بە پێی وتەی گووگڵ بێت لە کۆنگرەی Google I/O 2025، ئەم هەنگاوە گەشەپێدەران لە دیزاینی ئاڵۆز و پرۆگرامینگی ئاڵۆز دەپارێزێت و هەنگاوەکانیان بۆ ئاسان دەکات.

ئامرازەکە بە زمانی ئاسایی (لە ئێستادا ئینگلیزی) کاردەکات و دەتوانیت بە نووسینی ئاسایی چۆنێتی دیزاین و ڕەنگەکانی پێبڵێیت. هەروەها دەتوانیت چەندین وردەکاری پێ بڵێیت کە لە دیزانی کۆتاییدا بوونی هەبێت. جیا لە نووسین، ئەم ئامرازە ئەتوانێت سوود لە دیزاینی تر بە وێنە وەربگرێت و بە گۆڕانکارییەوە دروستیان بکاتەوە.

میران ئەبوبەکر

بەڕێوبەری نووسین لە پێگە و ماڵپەڕی کەی ئای تی ئێن، خوێندکاری کۆلێژی پزیشکی دەرمانسازی.