10
مۆبایل و تابلێت 10, تشرینی یه‌كه‌م 2019

مۆبایلی OnePlus 7T Pro McLaren Edition بە پڕۆسێسەری Snapdragon 855 Plus و نرخی 950$ ـەوە ڕاگەیاندرا

لە پاڵ ڕاگەیاندنی مۆبایلی OnePlus 7T Pro، وەنپڵەس جۆرێکی تایبەتی لە مۆبایلەکە بە ناوی OnePlus 7T Pro McLaren Edition ـەوە و بە پڕۆسێسەری Snapdragon 855 Plus و بە نرخی $950 ـەوە ڕاگەیاند.

لە قەبارە و زۆرینەی تایبەتمەندییەکاندا، جۆرە تایبەتەکەی مۆبایلی OnePlus 7T Pro هاوشێوەی جۆرە ئاساییەکەیەتی، ئەوە نەبێت ڕووی پشتەوەی لە تەختەی ڕەش دەچێت و لە لایەکانیدا خاوەن ڕەنگی پرتەقاڵییە و بێگومان وێنۆچکەی کۆمپانیای McLaren ـیش بوونی هەیە. هەروەها جیاواز لە OnePlus 7T Pro، مۆبایلی OnePlus 7T Pro McLaren Edition خاوەن ڕامێکە بە قەبارەی 12 گێگابایت و نرخیشی گرانترە.

گرنگترین تایبەتمەندییەکانی مۆبایلی OnePlus 7T Pro McLaren Edition:

  • ڕوونماقەبارە: 6.67 ئینج. جۆر: AMOLED. وردی نیشاندان: 1440 بە 3120 پێکسڵ.
  • دیزایننۆچ: نییە. چاڵی ژێر ڕوونما: نییە.
  • پڕۆسێسەر: (Qualcomm SDM855 Snapdragon 855+ (7 nm.
  • گرافیک: Adreno 640.
  • ڕام: 12 گێگابایت.
  • بیرگە: 256 گێگابایت.
  • ئەستووری: 8.8 میلیمەتر.
  • کێش: 206 گرام.
  • پاتری: 4,085 ملی ئەمپێر/کاتژمێر.
  • بارگاویکردنەوە: پشتگیری لە بارگاویکەرەوەی خێرای جۆری Warp Charge دەکات بە توانای 30 وات.
  • کامێرای پشتەوەسەرەکی: 48 مێگاپێکسڵ بە تیرەی f/1.6 و لە جۆری Wide. دووەم: 8 مێگاپێکسڵ بە تیرەی f/2.4 و لە جۆری Telephoto. سێیەم: 16 مێگاپێکسڵ بە تیرەی f/2.2 و لە جۆری Ultra Wide.
  • کامێرای پێشەوە(سێڵفی): 16 مێگاپێکسڵ بە تیرەی f/2.0 لە جۆری دەرکەوتە.
  • هەستەوەری ئاسایشی: هەستەوەری پەنجەمۆر لە ژێر ڕوونما.
  • دەرچە: USB-C.
  • ڕایەڵە: Wi-Fi 802.11 a/b/g/n/ac – dual-band – Wi-Fi Direct – DLNA – hotspot – Bluetooth 5.0. تایبەتمەندی NFC: هەیە. تایبەتمەندی Radio: نییە.
  • سیمکارت: دوانە سیمکارت.
  • ڕەنگ: شین.
  • سیستەمی کارپێکەر: OxygenOS 10.0 (بنچینەکراو لەسەر Android 10).
  • حاڵەتی بەردەستبوون: بەردەست نییە.
  • نرخ: دەست پێدەکات لە 838$.

لەگەڵ کڕینی OnePlus 7T Pro McLaren Edition ـدا، بەرگێکی تایبەت و نایاب بەدەست دەهێنیت. نرخی مۆبایلی OnePlus 7T Pro McLaren Edition لە 860€ (نزیکەی 947$) ـەوە دەستپێدەکات و وا بڕیارە لە ڕێکەوتی 5 ـی مانگی داهاتووەوە لە ئەوروپا بەردەست بکرێت، لە پاشان لە چین و هیندستان و وڵاتانی دیکە بەردەست دەکرێت. هاوشێوەی OnePlus 7T، مۆبایلی OnePlus 7T Pro McLaren Edition ـیش لە ویلایەتە یەکگرتووەکانی ئەمریکادا بەردەست ناکرێت.

9.8

ئەنجامی بۆرسە

OnePlus 7T Pro 9.6

OnePlus 7T Pro McLaren Edition 9.9

بۆچونی تۆ