مۆبایلی LG V60 ThinQ 5G بە پڕۆسێسەری Snapdragon 865 و بەرگی دووانە ڕوونماوە ڕاگەیاندرا

کۆمپانیای LG بڕیاریدا بۆ ئەمساڵیش درێژە بە زنجیرەی V لە مۆبایلەکانی بدات و سەرئەنجام، مۆبایلی LG V60 ThinQ 5G ـی بە پڕۆسێسەری Snapdragon 865 و بەرگی دووانە ڕوونماوە ڕاگەیاند.

مۆبایلی LG V60 ThinQ 5G خاوەن دواین پڕۆسێسەر و مۆدیەمی 5G ـی کۆمپانیای Qualcomm ـە، هەروەها خاوەن بەرگێکە کە مۆبایلە دەکات بە خاوەن 2 ڕوونمای جیاوازەوە. لە ڕاستیدا، دەتوانرێت بە مۆبایلەکەش بگوترێت سیانە ڕوونما، چونکە بەشی پشتەوەی بەرگەکەی خاوەن ڕوونمایەکی جیاوازی دیکەیە کە تایبەتە بە نیشاندانی بەروار و کاتژمێر و چەند شتێکی دیکە و قەبارەی 2.1 ئینجە.

مۆبایلەکە خاوەن ڕوونمایەکە بە قەبارەی 6.8 ئینج لە جۆری OLED و بە ڕوونی +FHD و بە چێوەی 20.5:9 و لە ژێرەوەیدا خاوەن هەستەوەری پەنجەمۆرە، لە کاتێکدا کە ڕوونمای بەرگەکەشی هەمان قەبارە و جۆرە. لەسەر ڕوونماکەی، خاوەن نۆچی دڵۆپەییە و کامێرایەکی بە ڕوونی 10 مێگاپێکسڵ تێدا جێگیر کراوە. هەروەها لە پشتەوە خاوەن 3 دانە کامێرایە بە ڕوونییەکانی 64 و 13 و 0.3 مێگاپێکسڵ.

هەرچی دەربارەی ناوەوەی مۆبایلەکەیە، ئاست بەرزە و شایەنی ئاماژە پێکردنە. پڕۆسێسەری Snapdragon 865 ـی 7 نانۆمەتری لەسەر جێگیر کراوە، بەمەش مۆبایلەکە توانای هەیە تاوەکو پشتگیری لە نەوەی پێنجەمی پەیوەندی 5G بکات. خاوەن ڕامی 8 گێگابایت و بیرگەی ناوەکی 128 گێگابایت و پاترییەکە بە توانستی 5,000 ملی ئەمپێر. لە نێو پاکەتدا وەشانی Android 10 ـی لەسەر جێگیر کراوە و خاوەن دوگمەی تایبەتە بە کارپێکردنی یاریدەدەری دەنگی Google Assistant.

ئەوەی ناوازەیە لەم مۆبایلە نوێیەدا، بەرگەکەیەتی، کە بە پەیوەستکردنی پێوەی، ڕاستەوخۆ خۆی لەگەڵ ڕوونماکەی دیکەیدا دەگونجێنێت و دەتوانرێت کرداری جیاوازی لە ڕێگایانەوە پێ ئەنجام بدرێت. ئەمە بۆ یەکەمجارە مۆبایلێک ببینین خاوەن ئەو تایبەتمەندییە بێت.

مۆبایلەکە پشتگیری لە بارگاویکردنەوەی خێرای +Quick Charge 4 و وەشانی Wi-Fi 6 و باندبەرینی mmWave و ڕایەڵەی sub-6GHz دەکات، هەروەها خاوەن بڵندگۆی بەرجەستەکراو و 4 وەرگر (مایکرۆفۆن) و بڕوانامەکانی IP68 و MIL-STD 810G ـی تایبەت بە بەرگەگرتن بەرامبەر بە تۆز و ئاوە.

سوپاس بۆ کامێرا ئاست بەرزەکانی، مۆبایلەکە توانای هەیە ڤیدیۆ تاوەکو ڕوونی 8K تۆمار بکات.

گرنگترین تایبەتمەندییەکانی مۆبایلی LG V60 ThinQ 5G:

• ڕوونما: 
  • یەکەم:
    • قەبارە: 6.8 ئینج. جۆر: P-OLED. وردی نیشاندان: 1080 بە 2460 پێکسڵ. خێرایی: 60 هێرتز.
  • دووەم:
    • قەبارە: 6.8 ئینج. جۆر: P-OLED. وردی نیشاندان: 1080 بە 2460 پێکسڵ.
• دیزاین: نۆچ: هەیە. چاڵی ژێر ڕوونما: نییە.
• پڕۆسێسەر: (+Qualcomm SM8250 Snapdragon 865 (7 nm.
  
• مۆدیەم: Qualcomm X55.
• گرافیک: Adreno 650.
• ڕام: 8 گێگابایت.
• بیرگە: 128 گێگابایت.
• ئەستووری: 8.9 میلیمەتر.
• کێش: 218 گرام.
• پاتری: 5,000 ملی ئەمپێر/کاتژمێر.
• بارگاویکردنەوە: پشتگیری لە بارگاویکردنەوەی خێرای +Quick Charge 4.0.
• کامێرای پشتەوە: 
  • سەرەکی: 64 مێگاپێکسڵ بە تیرەی f/1.8 و لە جۆری Wide.
  • دووەم: 13 مێگاپێکسڵ بە تیرەی f/1.9 و لە جۆری Ultra Wide.
  • سێیەم: 0.3 مێگاپێکسڵ بە تیرەی f/1.4 و لە جۆری Depth.
• کامێرای پێشەوە(سێڵفی):
  • سەرەکی: 10 مێگاپێکسڵ بە تیرەی f/1.9 لە جۆری Wide.
• هەستەوەری ئاسایشی: هەستەوەری پەنجەمۆر لە ژێر ڕوونما و لاتەنیشت.
• دەرچە: USB-C – بیستۆک.
• ڕایەڵە: 5G – Wi-Fi 802.11 a/b/g/n/ac – dual-band – Wi-Fi Direct – hotspot – Bluetooth 5.0.
  • تایبەتمەندی NFC: هەیە.
  • تایبەتمەندی Radio: –
• سیمکارت: دووانە سیمکارت.
• ڕەنگ: سپی – ڕەش.
• سیستەمی کارپێکەر: ڕووکاری LG UX 9.0 (بنچینەکراو لەسەر Android 10).
• پارێزەر: IP68 و MIL-STD 810G.
• حاڵەتی بەردەستبوون: بەردەست نییە.
• نرخ: نەزاندراوە.

تاوەکو ئێستا نرخ و ڕێکەوتی بەردەستکردنی مۆبایلی LG V60 ThinQ 5G ئاشکرا نەکراوە.

ماکوان بەرزان

نووسەری پێشکەوتوو لە Kitn لە ٢٠١٨ ـەوە. ئەندازیاری iOS لە Gateway. خوێندکاری ئەندازیاریی ئایتی لە زانکۆی پۆلیتەکنیکی سلێمانی.