ئەپڵ نەوەی هەشتەمی iPad ـی بە قەبارەی 10.2 ئینج و خێراییەکی زیاترەوە ڕاگەیاند

ئەمڕۆ لە بۆنەیەکی تایبەتدا، ئەپڵ نەوەی هەشتەمی iPad ـی بە قەبارەی 10.2 ئینج و خێراییەکی زیاترەوە ڕاگەیاند.

نەوە نوێیەکەی iPad خاوەن پڕۆسێسەری نوێی A12 ـە، بە هەمان دیزاینی نەوەکانی پێش خۆیەوە (چوارچێوە زۆرە بێزارکەرەکەی…).

ئەپڵ دەڵێت پڕۆسێسەرە نوێیەکەی ئەم ئایپادە نوێیە 2 هێندە لە کۆمپیوتەرەکانی ویندۆز، 6 هێندە لە تابلێتە ئاست بەرزەکانی ئەندرۆید و 6 هێندە لە ئامێرەکانی Chromebook زیاترە.

نرخی ئەم نەوە نوێیەی ئایپاد لە 329$ بۆ گشتی و 299$ بۆ قوتابیان بەردەست دەبێت.

ماکوان بەرزان

نووسەر و بەڕێوەبەری نووسین لە کەی ئای تی ئێن. گەشەپێدەری iOS، هەواداری  و خوێندکاری پەیمانگەی زانستی کۆمپیوتەر.