مایکرۆسۆفت 29, تشرینی یه‌كه‌م 2020

ئێکس بۆکس دڵنیای دەدات لە بەردەست بوونی یارییەکانی کۆنسۆڵەکانی پێشووی بۆ کۆنسۆڵە نوێیەکان

ئەو ناوچەیەی کە بە ئاسانی پلەیستەیشن بەرامبەر ئێکس بۆکس دەدۆڕێت بریتییە لە کار پێ کردنی یارییەکانی کۆنسۆڵەکانی پێشووتری ئێکس بۆکس بۆ کۆنسۆڵە نوێیەکان

 

بە پێی تویتێک بێت کە لە لایەن Jason Ronaldـەوە ئەنجام دراوە کە بەڕێوبەری Program Managementـە لە ئێکس بۆکس دڵنیای دەدات هەموو یارییەکانی کۆنسۆڵەکانی Xbox 360 و Xbox Original و Xbox One کار دەکات و لە هەمان ڕۆژی بڵاو بوونەوەی کۆنسۆڵە نوێیەکان بەردەست دەبێت، بەڵام ئەو یارییانەی کە بە ئامێری Kinect کار دەکەن لەسەر کۆنسۆڵە نوێیەکان بەردەست نابن چوونکە کۆنسۆڵە نوێیەکان توانای پەیوەست بوونیان بە ئامێرەکەوە نییە

ئامێری Kinect

 

ئەگەر بگەڕێینەوە بۆ مانگی پێشوو، ئەوە سۆنی پشت ڕاستی کردەوە کە پلەیستەیشن 5 پشتگیری Backward Compatibility بۆ کۆنسۆڵەکانی پلەیستەیشن 1 و پلەیستەیشن 2 و پلەیستەیشن 3 ناکات واتە یارییەکانی ئەو سێ کۆنسۆڵە لەسەر پلەیستەیشن 5 بەردەست نابن، تەنها یارییەکانی پلەیستەیشن 4 نەبێت کە هەموویان بەردەست دەبن تەنها 10 دانە نەبێت، بۆیە پلەیستەیشن بە دۆڕاو هەژمار دەکرێت بەرامبەر ئێکس بۆکس لە بابەتی Backward Compatibility واتە پشتگیری کردن لە نەوەکانی پێشوو.

سەرچاوە Pcmag
تاگەکان ئێکس بۆکس Xbox
بۆچونی تۆ