براندە گرانبەهاکەی سەر بە کۆمپانیای فۆڕد یەکەمین ئۆتۆمبێلی کارەبایی خۆی نمایش دەکات

براندی Lincoln سەر بە کۆمپانیای فۆڕد، کە بە براندی درووستکەری ئۆتۆمبێلە گرانبەها و گەورەکان بەناوبانگە، بە فەرمی لە ڕۆژی 20 ـی ئەم مانگەدا کۆنگرەیەک دەبەستێت و یەکەمین ئۆتۆمبێلی کارەبایی خۆی نمایش دەکات، لە کورتە ڤیدیۆیەکدا دەردەکەوێت کە چەشنی ئۆتۆمبێلەکە SUV بچووک یان crossover، بەداخەوە لە چەشنی Sedan دەرناکەوێت

بۆ براندەکە دەبێتە یەکەمین ئۆتۆمبێلی تەواو کارەبایی، چوونکە پێشووتر براندەکە تەنها سێ ئۆتۆمبێلی هایبرد(هجین) هەبووە، واتە بە بەنزین و کارەبایی کار بکات، بەڵام کۆمپانیاکە بەزویی دەیەوێت بێتە نێو بازاڕی ئۆتۆمبێلی کارەبایی و بەڵێنی داوە تاوەکو ساڵی 2030 تەواوی ئۆتۆمبێلەکانی بە کارەبایی بکات

Sanctuary reimagined. On April 20, 2022, Lincoln’s fully electric concept makes its global debut signaling what's to come for our electric vehicles in the future. Stay tuned for more! pic.twitter.com/7gUtPHnNgw

— Lincoln (@LincolnMotorCo) April 11, 2022

ئەو ئۆتۆمبێلەی لە ڕۆژی 20 ـی مانگدا ڕادەگەیەنرێت بۆ فرۆشتن نییە و تەنها وەک نموونەیە بۆ ئۆتۆمبێلە کارەباییەکانی دیکەی براندەکە کە لە داهاتوودا نمایش دەکرێت، ئەگەری زۆرە یەکەمین ئۆتۆمبێلی براندەکە کە بۆ فرۆشتن بێت لە کۆتایی ئەمساڵ بێت

میران ئەبوبەکر

بەڕێوبەری نووسین لە پێگە و ماڵپەڕی کەی ئای تی ئێن، خوێندکاری کۆلێژی پزیشکی دەرمانسازی.