ئێکس بۆکس بژاردەی نوێ بۆ بەشداری کردن لە خزمەتگوزاری گەیم پاس بەردەست دەخات

لە دوای دزەپێکردنی زانیاری لەسەر بژاردەی نوێی بەشداری کردن لە خزمەتگوزاری گەیم پاس لە هەفتەی ڕابردوودا، ئەمڕۆ بە فەرمی کۆمپانیای مایکرۆسۆفت پلانی Friends & Family بۆ بەشداری کردن لە خزمەتگوزاری گەیم پاس ئاشکرا کرد

ئەم بژاردە نوێیە لە ئێستادا تەنها لە هەردوو وڵاتی Ireland و Colombia بەردەستە، لە ڕێگەی ئەم بژاردەیەوە دەتوانیت خزمەتگوزاری گەیم پاس هاوبەشی پێ بکەیت لەگەڵ 4 کەسی دیکە، جا هاوڕێت بن یان خێزان، نرخی بەشداری کردنی مانگانەی خزمەتگوزارییەکە لە وڵاتی Ireland بریتییە لە 21.99 یۆرۆ (21.92 دۆلار) و لە وڵاتی Colombia بریتییە لە 49,900 COP (بە نزیکی 11 دۆلار)

مایکرۆسۆفت ئەم بژاردە نوێیەی تەنها بۆ هاوڕێ و خێزان سنووردار نەکردووە، تەنها مەرج ئەوەیە کە هەر 5 کەسەکە لە هەمان وڵاتدا بن بۆ ئەوەی خزمەتگوزارییەکە پێکەوە بەکار بهێنن، مایکرۆسۆفت دڵنیایی دەدات لە چەند مانگی داهاتوودا دەست دەکرێت بە بەردەست خستنی خزمەتگوزارییەکە لە وڵاتانی دیکە و بە تایبەتی لە وڵاتانی ئەورووپا

میران ئەبوبەکر

بەڕێوبەری نووسین لە پێگە و ماڵپەڕی کەی ئای تی ئێن، خوێندکاری کۆلێژی پزیشکی دەرمانسازی.