لە چەند ڕۆژی داھاتوودا وەشانی iOS 16.1 بڵاو دەکرێتەوە

ئەپڵ لە ڕۆژی 24ی ئەم مانگە وەشانی iOS 16.1 بۆ ئایفۆنە پشتگیری لێ کراوەکان بڵاو دەکاتەوە و چەند گۆڕانکارییەکی نوێ لە خۆ دەگرێت، هەندێک لە گۆڕانکارییەکان تایبەتن بە Smart Home کە لێرە سوودیان نابێت. ئەوانەی کە گرنگ لە وەشانەکەدا:

1- وێنۆچکەی ڕێژەی پاتری: لە وەشانی پێشووتردا ڕێژەی بارگی پاتری بۆ مۆبایلی iPhone XR, 11, 12 mini, 13 mini بەردەست نەبوو، بەڵام لەم وەشانەدا بەردەست دەبێت.

2- تایبەتمەندییەکی نوێی iCloud: شێوازێکی نوێی خزمەتگوزاری iCloud بە ناوی iCloud Shared Photo Library بەردەست دەبێت کە ڕێگە بە 6 هاوڕێ یان تاکی خێزانێک دەدات وێنەکانیان هاوبەشی پێ بکەن.

3- سڕینەوەی ئەپێکی سەرەکی: لە وەشانی iOS 16.1 دەتوانرێت ئەپی Apple Wallet (جزدانی ئەپڵ) بسڕدرێتەوە. هۆکاری ئەمەش بۆ ئەوە دەگەڕێتەوە کە لە هەندێک لە وڵاتان ئەم خزمەتگوزارییە بەردەست نییە.

میران ئەبوبەکر

بەڕێوبەری نووسین لە پێگە و ماڵپەڕی کەی ئای تی ئێن، خوێندکاری کۆلێژی پزیشکی دەرمانسازی.