ئەندرۆید
11, ئاب 2023
گووگڵ پێکەوە بەستنی ئامێرەکانی ئەندرۆید ئاسانتر دەکات
بە پێی شارەزایەکی ئەندرۆید، گووگڵ کار لەسەر تایبەتمەندییەکی نوێ دەکات بۆ ئەندرۆید کە دەتوانیت لە ڕێگەیەوە هەموو ئامێرەکانی ئەندرۆید پێکەوە ببەستیتەوە کە هەمان هەژماری Gmail ـیان لەسەر جێگیر کراوە. تایبەتمەندییەکە هاوشێوەی Continuity ئامێرەکانی ئەپڵە کە دەتوانیت پەیوەندییەکان لە ئایپاد و ماکەکەت لە ڕێگەی ئایفۆنەکەتەوە وەربگریت یان بە پێچەوانەوە (بەمەرجێک پەیوەستی هەمان ئینتەرنێت بن).
لە ئەم وێنەیەی خوارەوەش دەردەکەوێت کە لە ڕێگەی تایبەتمەندییەکەوە دەتوانیت پەیوەندییەکان لە چەند مۆبایلێکی جیاوازەوە وەربگریت، کە ئەمەش بە پێچەوانەی تایبەتمەندییەکەی کۆمپانیای ئەپڵە کە ناتوانیت پەیوەندییەکان لە ئایفۆنێکەوە بۆ ئایفۆنێکی دیکە وەربگریت.
موحەمەد نەجات
نوسەری پێشکەوتوو لە ماڵپەڕی کەی ئای تی ئێن، دەرچووی بەشی سیستەمی زانیاری کارگێڕی.
